Álem • 27 Qarasha, 2020

EAEO elderiniń zeınetaqy júıesi birigetin boldy

42 ret kórsetildi

Endi qazaqstandyqtar EAEO-nyń kez-kelgen elinen zeınetaqy alýǵa quqyly. Senatorlar Eýrazııalyq ekonomıkalyq odaq (EAEO) elderinde zeınetaqymen qamtamasyz etý týraly kelisimdi maquldady. Qujatqa sáıkes qazaqstandyqtar EAEO elderiniń kez-kelgeninde zeınetaqy ala alady. Qujatpen jumys isteý 2014 jyly bastalyp, araǵa 6 jyl salyp aıaǵyna jetip otyr.

«EAEO azamattaryn basqa múshe memleketterde eńbek qyzmetin júzege asyrýy kezinde zeınetaqymen qamsyzdandyrý máselesin quqyqtyq retteý jumys kúshiniń qozǵalýy jolyndaǵy qazirgi kedergini joıýǵa múmkindik beredi jáne eńbek qyzmetin zańdastyrýǵa qosymsha yntalandyrý bolady. Kelisim kúshine engennen keıin EAEO-ǵa múshe memleketterdiń azamattary eńbek qyzmetin júzege asyrǵan memlekettiń azamattary sııaqty zeınetaqymen qamsyzdandyrylýǵa quqyly bolady» delingen eńbek jáne halyqty áleýmettik qorǵaý mınıstrliginiń málimdemesinde.

Kelisim boıynsha zańdy eńbek mıgranttary ózi jumys istegen eldegi eńbek ótili bir jyldan assa zeınetaqyny sol elden alýǵa quqyly. Senator  Murat Baqtııarulynyń aıtýynsha, kelisim EAEO aýmaǵyndaǵy eńbek resýrstarynyń erkin júrýine múmkindik beredi. Iаǵnı, odaq quramyna kiretin elderdiń jumysshylary sol eldiń azamattarymen bir deńgeıde tólem alady. Qazaqstanda jumys istep júrgen ózge el azamattary zeınetaqy tólemderin BJZQ-ǵa aýdaryp, keıin osy qordan zeınetaqy tólemin alýǵa quqyly. Ishki ister mınıstrliginiń málimetinshe, byltyr EAEO elderinen Qazaqstanǵa 25 myńnan astam eńbek mıgranty kelgen.

Depýtattar aldynda zań jobasyn tanystyrǵan eńbek jáne halyqty áleýmettik qorǵaý mınıstri Birjan Nurymbetov zań jobasynyń basty maqsaty biryńǵaı zeınetaqy júıesin qalyptastyrý ekenin aıtty.

«Múshe-memleketterde qazir ártúrli zeınetaqy júıesi jumys isteıdi. Máselen, Belarýsııada jınaqtaýshy júıe joq. Qazaqstan, Reseı, Armenııadaǵy júıelerdiń aıyrmashylyǵy alýan túrli. Sonymen qatar olar zeınet jasy, mólsheri, eńbek ótili jáne basqa da parametrler boıynsha ártúrli. Al zeınetaqymen qamtamasyz etý tek eńbek etip júrgen azamattarǵa ǵana qarastyrylǵan» dedi mınıstr.  

Sondaı-aq mınıstr turaqty turýshy azamattardyń zeınetaqy máseleleri sheshilgenin aıtty. Biraq EAEO elderinen jumys izdep kelgen azamattardyń zeınetaqy máselesi áli sheshimin tappaı otyr.  

«Ár memleket zeınetaqyny óziniń ulttyq zańnamasyna sáıkes tóleıdi. Qazaqstanda jáne Qyrǵyzstanda osy sanattaǵy azamattar úshin zeınetaqy júıesine mindetti zeınetaqy jarnasy tólenbeıdi» deıdi Nurymbetov.

Kelisimge sáıkes:

Jumysshylardyń sol eldiń azamattarymen teń dárejede quqyqtary qamtamasyz etiledi;

Ár memleket óz terrıtorııasyndaǵy jumys ótili kezeńine sáıkes zeınetaqy tóleıdi;

Ár múshe-memleket óziniń ulttyq zańnamasyna sáıkes zeınetaqyǵa quqyqty jáne onyń mólsherin anyqtaıdy;

Zeınetaqy eksporty máselesi sheshiledi.

«Kelisim óte ózekti. О́ıtkeni, onyń ratıfıkasııasy eńbek mıgranttaryna ózi jumys istep júrgen elden zeınetaqy alýǵa múmkindik beredi. Máselen, bir eldiń azamaty EAEO elderiniń birinde (nemese birneshe elinde) jumys istese, sosyn otanyna ketip qalsa, zeınet jasyna jetkennen keıin zeınetaqysynyń bir bóligin ózi jumys istegen elden alady. Bizdiń oıymyzsha, bul eńbek mıgranttaryn zeınetaqymen qamtamasyz etýdiń ádiletti tásili. Zań jobasynyń qabyldanýy olardyń tabystaryn zańdastyrýǵa qosymsha yqpal etedi. Adamdarǵa qazirgi ýaqytta jumys isteıtin elde zeınetaqy jarnalaryn aýdarý tıimdi bolady, óıtkeni bul olarǵa zeınetkerlik jasqa tolǵan kezde zeınetaqy tólemderin ǵana emes, sonymen qatar múgedektigi boıynsha tólemderdi, qyzmetker qaıtys bolǵan jaǵdaıda muragerine tıesili járdemaqylardy da beredi» deıdi senator Murat Baqtııaruly.

Máselen, osyǵan deıin Reseıde 5 jyl jumys istep, tıisti tólemderdi aýdaryp otyrǵan Armenııa azamaty Reseı elinde jumys istegen ýaqyty úshin zeınetaqy tólemin alǵan joq.

«Qujat kúshine engennen keıin azamat óz elindegi jáne basqa elderdegi jumys istegen ýaqyty úshin zeınetaqy alýǵa quqyly. Mysaly, Armenııa azamaty kelisim kúshine engen soń Reseıde bes jyl, Belarýsııada úsh jyl, Qazaqstanda bir jyl jáne odan soń Armenııada jumys istese, onda zeınetaqy tórt elden de alatyn bolady» dep túsindirdi Eýrazııalyq ekonomıkalyq komıssııa ókilderi.

Eske salsaq, qujatpen jumys isteý 2014 jyly bastaldy. Al 2019 jyldyń 20 jeltoqsanynda EAEO memleket basshylary kelisimge qol qoıdy.

Qazaqstanda bul máseleni retteýmen aınalysatyn ókiletti organ – Biryńǵaı jınaqtaýshy zeınetaqy qory bolmaq.

Ratıfıkasııa týraly zań memleket basshysynyń qol qoıýyna jiberildi.

 

ALMATY

Sońǵy jańalyqtar

Dollar qymbattady

Ekonomıka • Búgin, 11:35

Qazaqstanda elektr energııasy qymbattady

Qazaqstan • Búgin, 10:21

Qyrǵyzstanda eks-premer ustaldy

Álem • Búgin, 09:53

Pnevmonııadan 1 adam qaıtys boldy

Koronavırýs • Búgin, 09:22

Sartaı batyrdyń ashamaıy

Rýhanııat • Búgin, 08:07

«Bestikke» engen óńirdegi betburys

Aımaqtar • Búgin, 07:58

Qoǵammen baılanys qoldaý tapty

Qoǵam • Búgin, 07:56

Ekpe saldyrý – óz erkińizde

Medısına • Búgin, 07:54

Tarıh ǵylymynyń kóshbasshysy

Oqıǵa • Búgin, 07:54

Munaıly óńirge – myń doza

Medısına • Búgin, 07:52

Qyzylsha men qamys – óńdegenge tabys

Ekonomıka • Búgin, 07:41

Máskeý festıvaline barǵanda...

Tanym • Búgin, 07:40

DSU: О́tpeli kezeń aıaqtaldy

Ekonomıka • Búgin, 07:37

Áke jolyn jalǵar ul

Aımaqtar • Búgin, 07:35

Uqsas jańalyqtar