Elimizdiń tarıhynda bul kún erekshe taǵdyrsheshti mańyzǵa ıe. Mereıli data Tuńǵysh Prezıdent – Elbasy Nursultan Ábishuly Nazarbaevtyń táýelsiz Qazaqstandy quryp, damytýdaǵy kórnekti memlekettik qaıratkerligi men tarıhı mıssııasyn pash etedi.
Elbasynyń saıası danalyǵy men sheshimtaldyǵynyń, strategııalyq kóregendigi men batyl erik-jigeriniń arqasynda ekonomıkalyq jáne áleýmettik reformalar tabysty jasaldy, saıası júıeniń kezeń-kezeńimen demokratııalanýy sátti júzege asyrylyp, birtutas Qazaqstan halqynyń ulttyq kody bekemdeldi.
Memleket basshysy mýltımádenı sınergııa esebinen Qazaqstannyń polıetnostyq ahýalyn bizdiń elimizdiń basty qýaty men baılyǵyna, tabys pen básekege qabilettilik qasıetterine aınaldyra bildi. Onyń saıası sarabdal sheshimimen dúnıege kelgen Qazaqstan halqy Assambleıasy shırek ǵasyr ishinde halqymyzdy toptastyrýdyń, azamattyq qoǵam júıesin damytýdyń tıimdi ınstıtýty bola bildi, jalpy qundylyqtar negizinde el-jurtty biriktiretin jalpyhalyqtyq konstıtýsııalyq organǵa aınaldy.
Qazaqstannyń Tuńǵysh Prezıdentin búginde álem jurtshylyǵy dúnıejúzindegi eń jarqyn jáne bedeldi kóshbasshylardyń biri dep sanaıdy.
Onyń kópvektorly saıasaty, ıntegrasııa men beıbitshilikti qoldaý bastamalary, ıadrolyq qarýsyzdanýǵa qosqan orasan úlesi arqasynda Qazaqstan shekarasy halyqaralyq deńgeıde bekemdelip, el egemendigi men táýelsizdigi biraýyzdan moıyndaldy.
Qazaqstan halqy úshin Tuńǵysh Prezıdent kúni – birinshi kezekte beıbitshilik pen kelisim, turaqtylyq pen qaýipsizdik, erteńgi kúnge senim úshin N.Nazarbaevqa degen búkilhalyqtyq senim men alǵaýsyz adamgershilik alǵys.
Qurmetti halaıyq!
Elbasymyz qazaq halqynyń naǵyz otansúıer uly retinde Otanǵa sheksiz qyzmet etýdiń, jaýapkershilik pen patrıotızmniń, azamattyq paryzdyń naǵyz úlgisin kórsetti. Tuńǵysh Prezıdent joly – ár azamattyń, Qazaqstannyń bolashaqqa nurly joly!
Ár otbasyna amandyq, baqyt pen turaqtylyq tileımiz!
Shańyraqtaryńyzda shattyq shalqysyn, birlikterińiz bekem bolsyn!
Qazaqstan halqy Assambleıasy
