Oblystyq polısııa departamenti baspasóz qyzmetiniń málimetinshe, jaıaý júrginshilerdiń joldy kez-kelgen jerden kesip ótý azaımaı otyr. Olar saýda ortalyqtary men qıylystardyń tusynan kesip ótip, jol qozǵalysy erejelerin buzady.
«Jaıaý júrginshiler óz áreketin «dúkenge nemese aıaldamaǵa barý úshin joldy kesip ótken ońaı. О́tkel tym alys, ne bolmasa oǵan barýǵa ýaqyt joq» dep túsindiredi. Alaıda, osyndaı quqyq buzýshylyqtyń sońy qaıǵyly jaǵdaımen aıaqtalatynyn eskermeıdi. Máselen, 56 jastaǵy júrgizýshi «Daewoo» kóligimen S.Datov kóshesinde ornalasqan «Sinoil» janar-jaǵarmaı beketi tusynda joldyń tyıym salynǵan bóliginen ótken adamdy qaǵyp ketti. Jaıaý júrginshi aýrýhanada kóz jumdy» dep habarlady departamenttiń baspasóz qyzmeti.
Jyl basynan beri Atyraý qalasynda patrýldik polısııa qyzmetkerleri 5715 jaıaý júrginshini ákimshilik jaýapkershilikke tartyp, árqaısysyna 8334 teńge kóleminde aıyppul salǵan. Sondaı-aq, kólik qaqqan 25 jaıaý júrginshiniń 15-i belgilenbegen jerden ótken.
