Bul tizimge respýblıka kóleminde óńirlerde aýylsharýashylyǵy salasynda eńbek etip jatqan mamandar, qoı ósirý isiniń úzdikteri iriktelip alynǵan. Marapattalǵandardyń qatarynda Almaty oblysynan Tájıev Sovetbek, Saıdahmetov Qýanysh, Ikramov Daýlet sekildi eńbek adamdary bar.
Sharada sóz alǵan Almaty oblysy ákiminiń keńesshisi Ǵalymurat Júkeldiń aıtýynsha, sharýa adamdary qoǵamda keńirek nasıhattalyp, olardy jas býyn tanyp ósýi kerek.
Sharany uıymdastyrýshy, "Shopan ata" Qazaqstan ulttyq qoı ósirýshiler qaýymdastyǵynyń tóraǵasy Almasbek Sadyrbaevtyń aıtýynsha, sharýa adamdarynyń, ásirese shopandardyń eńbegi áli de bolsa keń kólemde nasıhattalyp, syı-qurmet jalǵasa berýi kerek:
"El ekonomıkasynyń damýyna shopandardyń qosyp otyrǵan úlesi orasan zor. Sondyqtan mundaı syı-qurmetter áli de bolsa jalǵasyn tabýy kerek. Qazir eńbek adamdaryn jas býynǵa nasıhattaý jumystary kóńil kónshitpeıdi. Bul rette bizdiń qaýymdastyq dál osy shopandar mártebesin kóterýdi ári qaraı jalǵastyrady. Bıyl osy iske elimizdiń Aýylsharýashylyǵy mınıstrligi erekshe qoldaý kórsetip otyr", dedi A.Sadyrbaev.
"Shopan ata" qaýymdastyǵy eńbek adamdaryn marattaý jumystaryn jeltoqsan aıynyń aıaǵyna deıin, barlyq saqtyq sharalaryn saqtaı otyryp, ózge de oblys ortalyqtarynda jalǵastyrýdy kózdep otyr. Atap aıtsaq, shara Almaty, Shymkent, Nur-Sultan, Taraz, Túrkistan, Aqtóbe, Qyzylorda, О́skemen, Qostanaı, Qaraǵandy qalalaryn qamtıdy dep kútilip otyr.
