Qazaqstan • 02 Jeltoqsan, 2020

BUU COVID-19 qarsy kúreste áıelderge qoldaý kórsetedi

22 ret kórsetildi

Búgin Birikken Ulttar Uıymynyń áıelderge qatysty genderlik zorlyq-zombylyqqa qarsy 16 kúndik jahandyq naýqany jáne BUU 75 jyldyǵy sheńberinde «Áıelder COVID-19 qarsy kúrestiń aldyńǵy shebinde» atty BUU fotokórmesiniń onlaın tusaýkeseri bolyp ótti. Kórmeniń maqsaty – adamzattyń sanasyna áser etip, tarıhta qalar COVID-19 indeti týdyrǵan daǵdarys kezindegi áıelderdiń qosqan úlesi men kúshin tanytý. Bul týraly Qazaqstandaǵy BUU baspasóz hatshysy habarlady.

Kórme COVID-19 daǵdarysynyń bel ortasynda júrip, ártúrli salada qyzmet etken qazaqstandyq áıelderdiń shabyt berer 15 oqıǵasynan turady. Keıipkerler ózderiniń batyldyq pen tózimdilik ushtasqan áńgimelerimen bólisedi. Bul áıelderdiń arasynda dárigerler, eriktiler, belsendiler, jýrnalıster, ınflıýenserler – Adel Orazalınova, Dına Smaılova, Saıda Táýkeleva, Elena Bılokon jáne basqalary bar.

«COVID-19 qarsy kúreste bizge durys sheshimderdi qabyldaý úshin áıelderdiń róli mańyzdy. Bizge áıelder ınfeksııanyń qaıta órshýi, jumys kúshiniń jetispeýshiligi, tipti áleýmettik tolqýdyń ekinshi ret jandanýy sııaqty eń aýyr ssenarıılerdiń aldyn alý úshin qajet. Bizge indetpen kúresý úshin áıelder kerek. Bizge aldyńǵy sheptegi áıelder kerek», - dep atap ótti Qazaqstandaǵy BUU Turaqty úılestirýshisi Mıkaela Frıberg-Storı.

COVID-19 pandemııasy jasy, jynysy, ornalasqan jeri, áleýmettik jaǵdaıy jáne basqalaryna qaramastan barlyq jandy qamtydy. Juqpaly aýrýdyń órshýi áıelder men erlerge, ul balalar men qyzdarǵa ártúrli áser etedi. Barlyq elder, onyń ishinde Qazaqstan, áıelderge qatysty zorlyq-zombylyq deńgeıiniń joǵarylaýy týraly habarlaýda.

«Bul áıelderdiń barlyǵynyń daýystaryn estı jáne tyńdaı bilýimiz kerek. Biz tózimdilik, batyldyq jáne eńbekqorlyq saltanat qurǵan oqıǵalaramyzdy aıta otyryp, áıelderdiń múmkindikterin keńeıtý jáne genderlik teńdik qoǵam ál-aýqatynyń kepili bolyp tabylatyny týraly jaǵymdy habarlamalarmen bóliskimiz keledi», - dep qorytyndylady Qazaqstandaǵy IýNFPA ókili Djýlııa Valeze.

Fotokórme keıipkerleriniń biri, juqpaly aýrýlar vırýsology Qarlyǵash Ábdıeva COVID-19 týraly aıta otyryp, indettiń bastalýymen barlyǵy ony «erekshe qaýipti» dep sanaı bastaǵanyn atap ótti: «Bizdi dereý jaýyp tastady: qaı jerde jumys istedik – sol jerde turýǵa týra keldi. Ushaq kelip, bizge synamalar ákeledi. Biz olardy ashyp, dıagnoz qoıamyz. Ǵylym, maqalalar jáne basqa jumystar tasada qaldy. Tek COVID-19!» - dep eske alady Qarlyǵash.

Densaýlyq saqtaý jáne áleýmettik saladaǵy jahandyq jumys kúshiniń 70% quraǵandyqtan, áıelder qaýymy ózderiniń jáne jaqyn adamdarynyń ómirin qaterge tigip, indettiń aldyńǵy shebinde kúresedi. Sonymen qatar áıelder koronavırýstyq ınfeksııamen kúrestiń aldyńǵy qatarynda júrip, indet týyndaǵan máselelerdi sheshýge úlken úles qosýda.

Naýqandy «Meloman» dúkender jelisi de qoldady: belsendiliktiń 16 kúni barysynda Nur-Sultan men Almaty turǵyndary jeliniń kitap dúkenderinen genderlik teńdik pen áıelderdiń múmkindikterin keńeıtýge arnalǵan arnaıy ádebıetti taba alady.

Kórmeni BUU Halyqty qonystandyrý qory (IýNFPA) jáne aktrısa Aınur Ilııasova, fotograf Baýyrjan Bısmıldın, rejısser Vanıa Abramov, jýrnalıst Oksana Vasılenkodan quralǵan shyǵarmashylyq top daıyndady.

Sońǵy jańalyqtar

Memleket basshysy Alekseı Soıdy qabyldady

Prezıdent • Búgin, 17:08

Semeıge Saqtaǵanov ákim boldy

Taǵaıyndaý • Búgin, 16:21

Birneshe oblysta jol jabyldy

Qazaqstan • Búgin, 16:11

Aqsý qalasyna jańa ákim taǵaıyndaldy

Taǵaıyndaý • Búgin, 16:06

Jetisýda taǵy 78 adam indet juqtyrdy

Aımaqtar • Búgin, 12:32

Qazaqstanda aldaǵy úsh kúnde aıaz bolady

Aýa raıy • Búgin, 11:04

Jol apaty: Balqashta 2 adam qaza tapty

Aımaqtar • Búgin, 10:55

Qazaqstanda qansha advokat bary aıtyldy

Qazaqstan • Búgin, 10:44

Uqsas jańalyqtar