"Bul árıne qajetti sheshimder. Biraq osy reformalardy iske asyrý kezinde oqytýshylardyń qajet emes esepter daıyndaýy, jalaqylarynyń tómendigi jáne júktemeniń kóptigi sııaqty mańyzdy máseleler jetkilikti deńgeıde qarastyrylmaýda. Al, bul máseleler bilim berý sapasyna tikeleı áser etedi. Oqytýshylardyń basty mindeti – bilim berý. Biraq esep berý, josparlar toltyrý sııaqty qajeti shamaly mindettemeler negizgi jumyspen aınalysýǵa kedergi jasaıdy", deıdi Bilim mınıstri.
Sondaı-aq Ashat Aımaǵambetov bir oqytýshy 800 saǵat júktemeni quraıtyn 10 pánnen sabaq júrgizýi múmkin ekenin basa aıtty.
"Jumystyń kóptigine qaramastan, mardymsyz jalaqy qarapaıym qajettilikterge de jetpeı jatady. Bul rette oqytýshynyń ózin ózi kásibı turǵyda damytýyna ýaqyty ǵana emes, basqa da múmkindikteri bolmaıdy. Sol sebepti biz osy máselelerge basa nazar aýdarýdamyz", deıdi Ashat Aımaǵambetov.
