Lıtva memlekettik azyqtúlik-veterınar qyzmetiniń málimetine qaraǵanda ótken aptada 1,2 myń kúzen aýyryp ólse, 600 –iniń kózin ferma ózi joıǵan edi. Aýdanda tótenshe jaǵdaı jarııalanyp, kásiporynnyń ketken shyǵynyna ótem tóleý qarastyrylypty. Negizinde bul fermada 59 myń kúzen bolypty, endi sonyń 40 myńyn joıǵanmen, qalǵanyn tuqym qaldyrý úshin alyp qalǵan kórinedi.
Ianov ákimshiliginiń keńesshisi Vıtaýtas Kamınaskas mundaı jaǵdaıdyń elde birinshi ret bolýymen ázirge ań fermalaryndaǵy vırýs taralýyn aýyzdyqtaıtyn naqty syzba joq. Sondyqtan ańdardyń vırýs juqtyrýy jaıynda meılinshe kóbirek aqparat jınaýǵa tyrysýdamyz degen.
Danmink fermasynyń 4 jumyskerinen koronovırýs anyqtalyp, olar oqshaýlanýǵa jiberilse, Radvılıshksk aýdanyndaǵy kúzen fermasynan da 2 adamnan vırýs tabylǵan.
Osynyń aldynda Danııa, Ispanııa, Italııa, AQSh, Nıderland, Shvesııa jáne Grekııa syndy elderdegi ań fermalarynda vırýs juqtyrý tirkelýine baılanysty Lıtvada júrgizilgen taldama qortyndysynyń aıaǵy 40 myń kúzendi qyryp salýǵa ákeldi.
Esterińizge sala keteıik Danııa bıligi qarasha aıynyń basynda kúzenderdegi koronavırýstyń mýtasııaǵa jyldam ushyrap jatqanyn habarlap, bul jaǵdaıda COVID-19-ǵa qarsy jasalatyn vaksınalardyń tıimdiligi qalaı bolady degen qaýip aıtqan-dy.
