Azyq-túlik sebetterin muqtaj 100 otbasy men kóp balaly otbasylar, múgedekter, zeınetkerler, tyl ardagerleri aldy.
Ár sebette 30 kelige jýyq azyq-túlik kómegi bar. Onyń ishinde birinshi qajettilik ónimderi - jarma, makaron ónimderi, kúnbaǵys maıy jáne shaı.
Aksııaǵa 60-tan astam eriktiler qatysty. Azyq-túlik sebetterin jetkizýdi «Astana jastary» eriktileri, avto jáne medıa eriktileri, qalalyq eriktiler shtabynyń ókilderi, sondaı-aq kómektesýge nıet bildirgen jandar júzege asyrdy. Is-shara barlyq sanıtarlyq normalarǵa sáıkes ótti.
«Mundaı aksııalar birinshi ret ótkizilip otyrǵan joq. Qoldaý kórsetý jáne muqtaj adamdardyń qandaı da bir jaǵdaıda jalǵyzdyq sezinbeýin qamtamasyz etý bizdiń qolymyzda. Eriktiler úshin el rızashylyǵynan artyq syı joq», - deıdi «Astana jastary» KMM basshysynyń orynbasary Aıan Ermentaı.
Eske sala keteıik, Qazaqstan Táýelsizdiginiń 30 jyldyǵy qarsańynda elordada «30 ıgi is» uranymen áleýmettik jáne qaıyrymdylyq sharalar ótip jatyr. Estafetadanyń basty maqsaty qala men onyń turǵyndary úshin jaqsylyq jasaý.
2020 jyldyń ózinde-aq, 16 jeltoqsanǵa deıin «30 ıgi is» jobasy aıasynda úsh jańa mektep, jabyq fýtbol alańy, velosıped jaldaý beketi bar jol trassasy jáne jasyl beldeýdegi fazanarıı paıdalanýǵa beriledi dep kútilýde. Sondaı-aq serebraldy paralıch jáne júıke aýrýlary bar balalarǵa arnalǵan úlken ońaltý ortalyǵynyń ashylýy ótedi.
Azamattar estafetaǵa qosylyp, #Meıirimdibolýádet, #Dobrotaobrazjıznı #Modnobytdobrym heshtegi boıynsha ıgi is-shara aıasynda óz akkaýnttaryna aqparat nemese vıdeo ornalastyra alady.
