Aımaqtar • 04 Jeltoqsan, 2020

Erlan Turǵymbaev ýchaskelik ınspektorlar jumysyn kúsheıtýdi tapsyrdy

28 ret kórsetildi

Ishki ister mınıstri Erlan Turǵymbaev Aqtóbe oblysyna jumys saparynda qoǵamdyq tártip pen qaýipsizdikti saqtaý boıynsha atqarylǵan jumystarmen tanysyp, oblystyq polısııa departamentiniń jeke quramymen kezdesti, dep habarlaıdy Egemen.kz.

Kezdesýde vedomstvo basshysy uıymdasqan qylmys pen esirtki qylmysyna, urlyqqa, onyń ishinde mal urlyǵyna qarsy atqarylyp jatqan jumystardyń esebin tyńdap, quqyq qorǵaý qyzmetkerlerine birqatar naqty tapsyrmalar berdi. Erlan Turǵymbaevtyń aıtýynsha, qazirgi ýaqytta  Prezıdent Qasym-Jomart Toqaevtyń ózara qarym-qatynastyń servıstik modeline kóshý, qurylymdyq reformalar júrgizý, tıimdi kadr saıasaty, sıfrlyq tehnologııalardy engizý sııaqty Ishki ister mınıstrliginiń aldyna qoıǵan mindetterin oryndaý kezek kúttirmeıtin másele bolyp tur.

Mınıstr jergilikti polısııa qyzmetine qarasty ýchaskelik ınspektorlardyń jumysymen egjeı-tegjeıli tanysý úshin ýchaskelik pýnktterdi aralady. Bul jerde ınspektorlar oqıǵa ornynda quqyq buzýshy týraly jedel málimetterdi alýǵa múmkindik beretin zamanaýı tehnologııalarmen tanystyrdy.

Erlan Turǵymbaev oblys ákimi Ońdasyn Orazalınmen kezdesýinde el Prezıdentiniń «Jurtqa jaqyn polısııa» qaǵıdaty boıynsha jergilikti polısııa qyzmetine reforma júrgizýdi tapsyrǵanyn eskere otyryp, ýchaskelik ınspektorlar jumystaryn kúsheıtý baǵyttaryna toqtaldy. Sonyń ishinde polısııanyń ýchaskelik pýnktterine úı-jaılar bólý, iri turǵyn úı alaby men ýchaskelik pýnktteri joq aýdandarda jańa polısııa beketterin salý máseleleri jan-jaqty talqylandy. Qazirgi jaǵdaıda árbir  ýchaskelik ınspektor ózine bekitilgen aýmaqtaǵy ahýaldy jaqsy bilip otyrýy tıis. Ásirese qyzmetkerdiń quqyq buzýshylyqqa beıim, otbasylyq janjal týdyratyn jandardy baqylap, turǵyndarmen tyǵyz qarym-qatynasta bolýy qylmystyń aldyn alý úshin óte mańyzdy. Mınıstr kezdesý sońynda quqyqtyq tártip pen azamattardyń qaýipsizdigin qamtamasyz etýde polısııaǵa qoldaý kórsetken jergilikti atqarýshy organdar basshylaryna alǵysyn jetkizdi. Aıta ketý kerek, Aqtóbe qalasynda 125 ýchaskelik polısııa ınspektory men olardyń 14 kómekshisi, oblys aýdandarynda–108 kómekshisi jumys isteıdi. Aqtóbe qalasynda – 25, al aýdandarda 145 ýchaskelik polısııa pýnkti ǵımaraty bar.

Sońǵy jańalyqtar

iPhone 12 densaýlyqqa zııan dep tanyldy

Tehnologııa • Búgin, 15:38

Jańa Lada Niva kóligi qurastyrylýy múmkin

Tehnologııa • Búgin, 15:26

Semeıde eki avtobýs jol apatyna tústi

Aımaqtar • Búgin, 15:18

Qudyqqa qulaǵan qunandy qutqaryp qaldy

Aımaqtar • Búgin, 13:38

Arysta joǵalǵan bir úıir jylqy tabyldy

Aımaqtar • Búgin, 13:25

Dollar qymbattady

Ekonomıka • Búgin, 11:35

Qazaqstanda elektr energııasy qymbattady

Qazaqstan • Búgin, 10:21

Qyrǵyzstanda eks-premer ustaldy

Álem • Búgin, 09:53

Pnevmonııadan 1 adam qaıtys boldy

Koronavırýs • Búgin, 09:22

Sartaı batyrdyń ashamaıy

Rýhanııat • Búgin, 08:07

«Bestikke» engen óńirdegi betburys

Aımaqtar • Búgin, 07:58

Qoǵammen baılanys qoldaý tapty

Qoǵam • Búgin, 07:56

Ekpe saldyrý – óz erkińizde

Medısına • Búgin, 07:54

Uqsas jańalyqtar