Aqtaý qalasynyń ońtústiginde 100 shaqyrym qashyqtyqta ornalasqan Quryq porty – elimizdiń ekonomıkalyq áleýetine serpin qosatyn nysan. Porttyń qurylysy 2015 jyldyń sáýir aıynda bastalyp, onyń alǵashqy iske qosý keshen aımaǵy – temir jol paromdy termınaly – 2016 jyldyń 6 jeltoqsanynda paıdalanýǵa berildi.
Mańǵystaý jerine jańa parom jelisi boıynsha qadam basqan «Kompozıtor Rahmanınov» – RO-RO tıptes atalǵan kemede ártúrli qural-jabdyqtarmen alty Eýro júk kóligi keldi. Olardyń bireýinde kıvı jemisi bar.
– Eń bastysy, parom arqyly kókónister men jemis-jıdekter tıelgen júk kólikterindegi taýarlardy tógip-shashpaı, ıaǵnı basqa kólikke aýystyryp júktemeı tutynýshyǵa jetkizýge múmkindik bar. «Quryq-Amırabad/Enzelı» paromdy jelisi ırandyq jáne qazaqstandyq kásipkerler úshin de qyzyqty bolatynyna senimdimin, deıdi Quryq portynyń marketıng jáne logıstıka boıynsha atqarýshy dırektory Álibek О́tegenov.
Quryq avtomobıldi ınfraqurylymy port arqyly tranzıt jáne eksporttyq-ımporttyq baǵyttardaǵy ótýshi júkterdi qabyldaý men jyldam qyzmet kórsetýge tolyǵymen daıyn.
2020 jyldyń 10 aıynda Quryq porty arqyly ótetin júkterdi tıeý 1,352 mln tonnany qurady. Kórsetkish ótken jylmen salystyrǵanda 290 myń tonnaǵa nemese 21%-ǵa joǵary. Eksportqa munaı, astyq jáne halyqtyq qoldanystaǵy taýarlar jiberilse, zattyq ónimder men qurylys materıaldary sekildi halyqtyq qoldanystaǵy taýarlar ımporttaldy.
Quryq portynyń keleshegi zor dep esepteledi. Teńiz joly arqyly qarym-qatynasty jolǵa qoıyp jáne onyń baǵyttary men júk kólemin jańǵyrtyp otyrý – porttaǵy jemisti jumystardyń biri.
Mańǵystaý oblysy
