Ýchaskelik polısııa ınspektorlary Ilınka kentin aralaý kezinde Dospambet jyraý kóshesindegi ıesiz qalǵan vagonda turatyn er adamdy anyqtaǵan.
Polıseıler tekserý barysynda 1977 jyly týǵan azamattyń qarasha aıynan bastap shartty merzimge sottalǵan retinde probasııalyq baqylaýdan jaltarǵany úshin sot sheshimimen memleketaralyq izdeýde júrgenin anyqtaǵan.
Atalǵan azamat PD ýaqytsha ustaý ızolıatoryna qamaýǵa alyndy.
Bıyl 7 qyrkúıek pen 1 jeltoqsan aralyǵynda Nur-Sultan qalasynyń aýmaǵynda “Ýchaske” jedel-aldyn alý is-sharasy ótkizilip, is-shara barysynda ýchaskelik polısııa ınspektorlary 280 myńǵa jýyq páterdi, 85 myńnan astam jeke jáne saıajaı úılerin aralady.
