Kezdesýdiń basty maqsaty – kelesi jyldyń 10 qańtaryna belgilengen Parlament Májilisi men máslıhat depýtattarynyń saılaýyna qatysty boldy.
Nur-Sultan qalasynyń Kásipodaqtar ortalyǵy tóraǵasynyń mindetin atqarýshy Tólegen Kúnádilov óz sózinde: "Kásipodaqtar Federasııasy Parlament Májilisi men máslıhattar depýtattaryn saılaýǵa baıqaýshy retinde qatysý týraly málimdeme jasady. Bul saılaý naýqanyn obektıvti jáne ádil baǵalaýǵa múmkindik beredi. Elordalyq kásipodaqtar da saılaý úderisiniń ashyq ári zań aıasynda ótýine baıqaýshy retinde qatysyp, qoldaýyn kórsetedi", dedi ol.
Sonymen qatar Kásipodaqtar federasııasy daýys berý, saılaýaldy naýqan kezinde jumys berýshilerdiń tarapynan eshqandaı qysymnyń, məjbúrli daýys bergizýdiń bolmaýyn qadaǵalaıdy.
"Saılaý ótkizýdiń negizgi qaǵıdalarynyń biri – erik bildirý bostandyǵy, saılaý eriktiligi bolyp tabylady. Osy qaǵıdalar elimizdiń Konstıtýsııasynda jáne "Qazaqstan Respýblıkasyndaǵy saılaý týraly" Konstıtýsııalyq zańynda bekitilgen. Eger jumys berýshiler tarapynan saılaýǵa qatysyp, qandaı partııaǵa daýys berýge qysym jasalsa, qalalyq shtabtyń jedel jelisine habarlasýǵa bolady", dep atap ótti T.Kúnádilov.
