Injenerlik ınfraqurylymdy damytý aıasynda bıyl 300 shaqyrymǵa jýyq sý qubyrlary men káriz jelileri tartyldy. Nátıjesinde «Jańa Almaty» yqshamaýdandarynyń 50 myń turǵyny sýmen qamtýdyń jáne sýdy burýdyń ortalyqtandyrylǵan júıesine qosyldy.
2019 jyly syrtqy jaryqtandyrý jelilerin ornatýdy talap etetin jaryǵy joq kóshelerdi anyqtaý boıynsha aýdıt júrgizildi. Nátıjesinde 2 jyldyń ishinde qalany tolyqtaı jaryqtandyrý boıynsha sheshim qabyldandy. Jyl sońyna deıin qala shetindegi 1423 kóshe jaryqtandyrylady. Bul qalanyń Alataý, Jetisý, Naýryzbaı, Túrksib syndy 4 aýdanyn 100% jaryqtandyrýdy qamtamasyz etedi.
2021 jyldyń sońyna deıin qalǵan Almaly, Áýezov, Bostandyq, Medeý aýdandaryndaǵy 601 kósheni jaryqtandyrý josparlanýda. Osylaısha, Almaty qalasyn 100% jaryqtandyrýǵa qoljetkizý josparlanýda.
Jol ınfraqurylymyn damytý aıasynda «Jańa Almatynyń» yqshamaýdandarynda 42,8 shaqyrym jol salyndy. Uzyndyǵy 192 shaqyrym bolatyn 270 kóshede ortasha jóndeý jumystary aıaqtaldy, 86 shaqyrym trotýar salynyp, jóndeldi. 4 saıabaq jáne 5 jaıaý júrginshi aımaqtaryn abattandyrý qarastyrylǵan.
Bıylǵy jyly jospardaǵy is-sharalardyń barlyǵy tolyǵymen oryndaldy. Keler jyly shetki aımaqtardy damytý jónindegi jobalar iske asyrylady, ıaǵnı qarjylandyrý kózderi arqyly jalpy somasy 200 mlrd teńgeden astam qarjy bólý josparlanýda.
