Aqyn, sarapshylar keńesiniń tóraǵasy Baýyrjan Jaqyptyń aıtýynsha, qatysýshylardyń ynta-yqylasy óte joǵary bolǵan. Soǵan saı kelip túsken shyǵarmalar da saıdyń tasyndaı myqty deıdi.
– 200-den astam avtordan 300-ge jýyq shyǵarma keldi. Janrlary da ár alýan. Proza, óleń, jańyltpash, jumbaq, hıkaıattar bar. Ishinde óte jaqsy shyǵarmalar bar ekenin kórdik. Esimi kópke málim qalamgerlermen qatar jańa esimder de jetkilikti. Ári talqylap, beri talqylap eń laıyqty degen shyǵarmalardy júldege usyndyq. Keler jyldan bastap bul báıge dástúrli baıqaýǵa aınalmaq. Mınıstrlik te qoldaýǵa nıettenip otyr. Bul bizdi qýantyp otyr, – deıdi aqyn.
Baıqaý 3 sanat negizinde ótkizilgen. I sanat – tómengi synypta oqıtyn oqýshylarǵa arnalǵan shyǵarmalar baıqaýy. II sanat – orta synyp oqýshylaryna arnalǵan baıqaý. Al III sanatta joǵary synyp oqýshylaryna arnap jazylǵan shyǵarmalar báıgege túsken.
Baıqaýda birinshi oryn alǵan júldegerler Mádenıet jáne sport mınıstrliginiń dıplomymen marapattaldy. Sonymen qatar jeńimpazdar men júldegerlerge qarjylaı marapat ta usynyldy. Qazylar alqasynyń sheshimimen I sanat boıynsha 1-oryndy Aqylbek Shaıahmetov ıelense, 2-oryn Serikbaı Ospanovqa, 3-oryn Ernur Seıdahmetke buıyrdy.
II sanat boıynsha 1-oryndy Kósemáli Sáttibaıuly jeńip alsa, 2 jáne 3-oryndarǵa Baıdildá Aıdarbek pen Gúljan Amangeldiqyzynyń shyǵarmalary laıyq dep tanylǵan
III sanatta Aıgúl Kemelbaeva oq boıy ozyq shyqty. 2-oryn Ertaı Ashyqbaevtyń enshisine tıdi. Úshinshi oryndy Qaıym-Munar Tabeev ıelendi.
Shara sońynda Ulttyq memlekettik kitap palatasynyń Baspasóz muraǵatynan iriktelip alynǵan sırek kitaptardan, gazet-jýrnaldardan turatyn «Sırek kóne qoljazbalar» murajaıynyń lentasy qıylady.
«Sırek kóne qoljazbalar» murajaıyna Kitap palatasy muraǵatyndaǵy HIH-HH ǵasyrlarda tóte jazý, shaǵataı jazýy, eski latyn jazýyn boıynsha jaryq kórgen eńbekter qoıylady.
Murajaıdyń lentasyn qııý rásiminen soń qadirli qonaqtar quttyqtaý sóz sóıleıdi.
ALMATY
