Onlaın ótken is-sharaǵa Shymkent qalasynyń ákimi Murat Áıtenov pen volonterler qatysty.
Qala ákimi Murat Áıtenov qala boıynsha jyldy qorytyndylap, "Jyl volonteri" halyqaralyq syılyǵy jáne "Jomart júrek" syılyǵynyń ıegerlerin marapattady.
– Volonterler jyly qoǵamdaǵy azamattyq belsendiliktiń damýyna jańa serpin berdi. Shymkent qalasynda 20 qoǵamdyq uıym eriktilikpen belsendi aınalysady. Bul uıymdar 3000-nan astam eriktilermen jumys isteıdi. Shymkent qalasynda Volonterlar jylynda "Birgemiz" jalpyulttyq jobasy, balalar úıleriniń tárbıelenýshilerine baǵyttalǵan "Tálimger", "Shymkent – qaıyrymdy qala", "ECO SANA", "Shymkent – TMD elderiniń mádenı astanasy", "Izgilikte jarysaıyq", "Meıirim" jobalary uıymdastyryldy. Joba aıasynda tarıhı-mádenı is-sharalar, senbilikter, balalarmen, qart adamdarmen jáne múgedektermen áleýmettik jumystar, qaıyrymdylyq aksııalary ótkizildi. Týǵan ólkesiniń áleýmettik máselelerin sheshýge atsalysqan jomart azamattardyń isi kópke úlgi. Táýelsiz elimizdiń bolashaǵy úshin ólsheýsiz eńbek sińirip júrgen barshańyzǵa tabys, sarqylmas kúsh-jiger tileımin, – dedi qala ákimi.
Bıyl Shymkent qalasy boıynsha "Turaqty damý maqsattarynyń kóshbasshysy" nomınasııasynyń ıegeri Ábdimálik Balbaev, "Densaýlyq saqtaýdy damytýǵa belsendi qatysqany úshin" nomınasııasynyń ıegeri Oksana Iаnchenıýk, "Áleýmettik mindetterdi sheshýge qosqan úlesi úshin" nomınasııasynyń ıegeri, "Shymkent qalasy ACCESS bitirýshileriniń "ASAA" jastar qoǵamdyq uıymynyń tóraıymy Danara Saranova "Jyl volonteri" premııasynyń ıegerleri atandy.
Sondaı-aq "OtauGroup" holdınginiń prezıdenti Qaırat Moldaseıitov bıylǵy "Jomart júrek" syılyǵymen "Jyl tulǵasy" nomınasııasynyń ıegeri atandy. "Jyl tulǵasy" nomınasııasynyń ıegeri – qala ákimi janyndaǵy genderlik komıssııa tóraǵasynyń orynbasary, "Bereke A" korporasııasy" JShS bas dırektorynyń keńesshisi Ráshkúl Ospanalıeva, "Týǵan ólke" nomınasııasynyń ıegeri – "Aq Ordasy korporasııasy" JShS-nyń dırektory Sadýlla Qalybekov marapattaldy.
