Elorda • 08 Jeltoqsan, 2020

Elordada "Nur-Sultan snowpark" ashylady

94 ret kórsetildi

20 jeltoqsanda Atatúrik saıabaǵynda taý shańǵysy men snoýbordqa arnalǵan jasandy tóbeshik paıda bolady. Nysan Qazaqstanda alǵash ret qysqy qoǵamdyq keńistikti damytý aıasynda ornatylǵan, dep habarlaıdy Egemen.kz

Qurylystyń jalpy aýdany 720 m2-den asady. Uzyndyǵy – 40 m, eni – 18 m. Elordalyq Ýrbanıstıka ortalyǵynyń basshysy Elnar Bazykenniń aıtýynsha, saıabaq kóptegen plastık, metall jáne aǵash elementterden jasalǵan.

"Bul qyzyqty sport túri turǵyndar men elorda qonaqtarynyń qysqy demalysyn túrlendire túsetinine senimdimin".

Snoýpark aýmaǵynda jańadan bastaýshylarǵa qajetti jabdyqty jalǵa berýdi uıymdastyrý josparlanýda, nusqaýshylar áýesqoılarǵa sabaq beredi. Keshke snoýpark shamdarmen jaryqtandyrylady. Osylaısha, ekstremaldy sport túrlerine áýesqoılar úshin kúndizgi ǵana emes, túngi shańǵy tebýdi de uıymdastyrý josparlanyp otyr.

"Nur-Sultan – jaıly qala" bas josparyna sáıkes buqaralyq sportty keńinen nasıhattaý úshin qoǵamdyq oryndar salynady. Qyzyqty jerler tek jazda ǵana emes, sonymen qatar qys mezgilinde de bolýy kerek. Bul mindetti ýrbanıster aýdan ákimdikterimen birge júzege asyrady. Mundaı oryndardy búkil qala boıynsha qurý josparlanyp otyr", dedi Nur-Sultan qalalyq sáýlet, qala qurylysy jáne jer qatynastary basqarmasy basshysy Nurlan Ýranhaev.

Atatúrk atyndaǵy saıabaqta snoýbordshylar men shańǵyshylarǵa arnalǵan snoýparkpen birge muz aıdyny, konkımen syrǵanaýǵa arnalǵan muz aıdyny jáne anımatorlary bar Aıaz ata úıi salynady. Jyly oryndar men kofehanalar da uıymdastyrylady.

Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar