Bul týraly óńirlik kommýnıkasııa qyzmetindegi baspasóz jıynynda óńirdiń áleýmettik-ekonomıkalyq damýy jóninde baıandaǵan aýdan basshysy Talǵat Karbozov aıtty.
Ákimniń sózinshe, Naýyrzym aýdanynda bıyl jumyspen qamtý sektoryna 547 adam júginip, 491 adam eńbekpen qamtýdyń belsendi sharalaryna tartylǵan. Sonymen qatar, 210 adam turaqty jumysqa ornalasqan.
"Baǵdarlamanyń barlyq baǵyttary boıynsha jalpy somasy 28 mln 984 myń teńge ıgerildi. Áleýmettik jumys oryndaryna 20 adam ornalastyrylyp, 38 adam kásibı daıyndyqqa jiberildi. Joǵarǵy jáne orta arnaýly oqý oryndarynyń 18 túlegi jastar praktıkasynan ótti. Aýdan boıynsha jumyssyzdyq deńgeıi - 1,4 %. Sonymen qatar, aýdanda áleýmettik kómektiń barlyq túrlerine 140 mln 50 myń teńge bólindi. Bıyl múmkindigi sheýteýli 6 adam jumysqa ornalasty. Al 8 adam jalpy somasy 4 mln 445 myń teńgege jeke shaǵyn kásipterin ashýǵa qaıtarymsyz qarjy grantyn aldy", dedi Talǵat Karbozov.
Bıyl Naýyrzym aýdanyna ońtústik óńirlerden jalpy sany 13 jan bar 3 otbasy qonys aýdarǵan.
