G. atty azamatsha osydan eki aı buryn Bas múftı Naýryzbaı qajy Taǵanulynyń atyna arnaıy hat jazyp, óziniń 2015 jyldan bastap ókpe demikpesine shaldyqqanyn, sol kezden bastap 24 saǵat boıy IVL apparatyna muqtaj ekenin, apparatsyz múldem qımyldaı almaıtynyn, qazirgi ýaqytta óziniń apparaty buzylyp turǵanyn, sondyqtan jańa apparat alýǵa járdem berýdi suraǵan bolatyn.
Bas múftı naýqas jannyń tilegin qabyl alyp, "Zeket" qorynyń dırektory Talǵat Omarovqa hat ıesine apparatty tezirek jetkizip berýdi tapsyrdy. Aıta keteıik, pandemııa bastalǵaly "Zeket" qory elimizdegi naýqas jandarǵa qol ushyn sozý maqsatynda "О́mirge úmit syıla" aksııasyn ótkizdi. Aksııa aıasynda demeýshi azamattardyń kómegimen 18 dana ókpeni jasandy tynystandyrý apparaty, 891 ottegi qurylǵysy, 20 obaǵa qarsy kıim, 255 monometr, 528 pýlsometr, 60 termometr, 136 701 betperde,15 000 qolǵap jáne basqa da dári-dármekterdy tıisti oryndarǵa jetkizdi.
