Dúnıe júzilik týrıstik uıymnyń boljamy boıynsha Qazaqstan turaqty týrızmdi damytý úshin bolashaǵy bar elder qatarynda. Kazakh Tourism ulttyq kompanııasy júrgizgen taldaý qazirgi ýaqytta Qazaqstanda "týrıstik magnıtter" jáne "týrıstik ósý núkteleri" bolýǵa qabiletti 100-den astam tanymal týrıstik obektiniń bar ekenin kórsetti. Sonymen qatar resýrstardyń shekteýliligine jáne barlyq osy nysandardy damytýǵa eleýli ınvestısııalar salý qajettiligine baılanysty Mádenıet jáne sport mınıstrligi Qazaqstannyń týrıstıfıkasııalaý kartasy dep atalatyn neǵurlym mańyzdy týrıstik nysandardy irikteý boıynsha jumys júrgizdi. Irikteý krıterııleri týrıstik magnıt retinde nysannyń biregeıligi jáne týrıstik aǵynnyń yqtımal ósýi boldy. Mańyzdy 10 týrıstik destınasııa qatarynda mańǵaz Mańǵystaý da bar.
О́lkemizge kelýshi týrısterdiń sanynyń artýyna baılanysty mamandarǵa degen suranys arta tústi. Týrızm jáne qonaqúı salasynda maman tapshylyǵy úlken máselege aınalyp otyr.
2020 jylǵy 25 qarashasynda komersııalyq emes aksıonerlik qoǵam Sh.Esenov atyndaǵy Kaspıı tehnologııalar jáne ınjınırıng ýnıversıtetiniń prezıdentiniń mindetin atqarýshysy Berik Baqytjanuly Ahmetov pen Rixos Water World Aktau qonaq úıiniń dırektory Mahmýd Jarımbetov yntymaqtastyq týraly memorandýmǵa qol qoıdy. Memorandýmnyń maqsaty – joǵary bilikti týrızm jáne qonaqúı salasyndaǵy qyzmetkerlerdi daıarlaý, kadrlyq rezerv qurý, ózara tájirıbe almasý, sonyń ishinde dáristerin, semınarlar, trenıngter jáne ózara árekettesýdiń basqa nysandaryn uıymdastyrý arqyly yntymaqtastyqty damytý.
Kezdesý barysynda Rixos Water World Aktau qonaq úıiniń dırektory Mahmýd myrza aldaǵy josparlarmen bólisip ótti: "Jyly jaǵajaı aımaǵynda Rixos Water World Aktau qonaq úıinen kanalǵa deıingi aýmaqtyń barlyǵyna otandyq jáne sheteldik týrısterge qyzmet kórsetetin birneshe týrıstik nysandar salynady dep josparlanýda. Bul úlken keshenniń ataýy – Tethys Tourism International Hub, jalpy terrıtorııasy – 1,300000 m2. Joǵaryda atalǵan habtyń alǵashqy nysany 15 gektardy alyp jatyrǵan januıalyq kýrorttyq otel – Rixos Water World Aktau. Kelesi nysan 12,2 gektardy quraıtyn Azııadaǵy eń úlken taqyryptyq saıabaq, odan keıingi 15 gektardy "BI Group" qurylys holdıngi salatyn otel-rezıdensııalar. Dúnıe júzine óziniń sándi qonaq úılerimen tanymal, álemdegi eń bedeldi kýrorttar men álemniń eń iri astanalarynda ornalasqan "Fairmont" oteli habtyń 5 gektaryn alady. Besinshi nysan jan jaǵy vıllalarmen qorshalǵan Azııadaǵy eń iri golf-klýb, onyń aýmaǵy – 38 gektar. Kelesi 4,9 gektardy 80 vılladan quralǵan "Ranyan Tree" jáne 3 gektardy "Rixos club prive" otelderi oryn alady. "Bazis-A" qurylys kompanııasynyń úıleri 10 gektardy alsa, sońǵy 7 gektarda halyqaralyq qonaq úı naryǵynyń joǵarǵy segmentinde ornalasqan "Swissôtel Hotel" oteli qyzmet kórsetedi dep josparlanýda. Osy nysandardyń barlyǵyna qyzmet kórsetetin mamandardyń qajet ekeni sózsiz. Týrızm jáne qonaq úı salasyndaǵy mamandarǵa degen suranys óte joǵary. Atalǵan týrıstik nysandardy qyzmetkerlermen qamtamasyz etý úshin kem degende 3000 maman qajet.
О́z kezeginde Berik Baqytjanuly Ahmetov týrızmniń ólkemizdegi damý perspektıvalaryn eskere otyryp, ýnıversıtette jańa "Týrızm jáne tilder" fakýlteti ashylyp, ol jerde týrızm jáne qonaq úı mamandyǵy boıynsha 114 stýdent bilim alyp jatqandyǵyn, olardy básekege qabiletti maman etip shyǵarý jolynda kóptegen jumystar atqarylyp jatyrǵandyǵyn jáne kelesi oqý jylynda osy mamandyqtarǵa túsetin talapkerlerdiń sanyn arttyrý jolynda, sonymen qatar Mańǵystaý oblysynda týrızmdi damytý úshin aıanbaı eńbek etenetindigin tilge tıek etti.
Kelissózder barysynda taraptar týrızm jáne qyzmet kórsetý salasyndaǵy yntymaqtastyqty nyǵaıtý jáne odan ári damytý qajettiligin atap ótti. Osy ózara is-qımyl sheńberinde "Meıramhana isi jáne qonaq úı bıznesi" jańa dýaldy bilim berý baǵdarlamasy boıynsha stýdentterdiń oqý baǵdarlamasyndaǵy birqatar pánderden Rixos Water World Aktau qonaq úıiniń qyzmetkerleri qonaqúı qabyrǵasynda bilim beretindigi jáne "Týrızm" mamandyǵynda oqıtyn stýdentterdiń barlyq tájirıbeleri osy qonaq úıde ótetindegi, sonymen qatar jyl saıyn oqý úlgerimi joǵary 10 stýdentke Birikken Arab Ámirlikteri, Túrkııa, Egıpet, Horvatııa, Lıvııa, Taıland jáne Kıpr memleketterindegi Rixos qonaq úılerinde halyqaralyq tájirıbeden ótý úshin arnaıy grant bólinetindigi kelisildi.
Týrızm salasyn damytýda ýnıversıtet stýdentteriniń tańǵajaıyptarǵa toly Mańǵystaý týrızmniń naǵyz ordasyna aınalýyna óz úlesterin qosatynyna senimimiz zor. Osy baǵytta jasalǵan, Esenov ýnıversıtetiniń prezıdentiniń mindetin atqarýshysy Berik Baqytjanuly Ahmetov pen Rixos Water World Aktau qonaq úıiniń dırektory Mahmýd Jarımbetov arasyndaǵy kelissóz berik platforma bolatyny sózsiz.
