Bes dúrkin álem chempıony, «BRNO OPEN 2013» Halyqaralyq týrnıriniń jeńimpazy, on tórt jasynda áıel grossmeısteri atanǵan Jansaıa Ábdimáliktiń shahmat akademııasy 2014 jyly Almaty qalasynda ashylǵan bolatyn. Sol ýaqyttan bastap qazirge deıin osy mektepte bilim alǵan 4 myńnan astam balanyń arasynda eldiń atyn shyǵaratyn jas chempıondar da kórine bastady. Solardyń eń basynda Jansaıanyń jolyn jalǵastyrǵan jas óren – osy akademııanyń tárbıelenýshisi, Álem jáne Azııa chempıony atanǵan Dinmuhammed Tólendınov bar.
Aqtóbe qalasynda boı kóteretin balalar shahmat Akademııasynyń qurylysyn «Damý» kásipkerlikti qoldaý qory qarjylandyrady. Oblys ákimi Ońdasyn Orazalın jas býyndy adamı qundylyqtarǵa tárbıeleýmen qatar, olardy sport pen óner, bilimge baýlý ıntellektýaldy ult qalyptastyrý jolyndaǵy naqty qadam ekendigin alǵa tarta otyryp, muny iske asyrý joldaryna toqtaldy. О́ńir basshysy zamanaýı kásibı mektepter jaqsy uıymdastyrylǵan menedjment pen bilikti mamandar qolymen iske asyrylatynyn alǵa tarta otyryp, qala ákimi men bilim basqarmasynyń basshysyna kásibı shahmatshylar daıarlaıtyn mekteptiń tezirek ashylýyna qoldaý kórsetýdi tapsyrdy.
