Is-sharaǵa shyǵarmashylyq jáne ǵylym, zııaly qaýym, Ulttyq ǵylym akademııasynyń ókilderi, ázerbaıjandyq abaıtanýshylar jáne «Ázerbaıjan-Qazaqstan» dostyq qoǵamynyń basshylyǵy qatysty.
О́z sózinde Qazaqstannyń Elshisi Serjan Ábdikárimov Memleket basshysynyń Jarlyǵyna sáıkes Abaıdyń mereıtoıy osy jyly halyqaralyq jáne ulttyq deńgeıde merekelengenin aıtty. Abaıtanýdyń jeke ádebıettaný ǵylymy retinde negizin qalaýshy, kórnekti qazaq jazýshysy Muhtar Omarhanuly Áýezov ekeni atap ótildi. Onyń «Abaı joly» roman-epopeıasy dúnıejúzi ádebıetiniń kitaphanasyna enip, álemniń 116 tiline aýdarylyp, uly qazaq oıshylynyń baǵa jetpes shyǵarmashylyq jáne rýhanı murasyn búkil álemge ashty.
Kezdesýdiń basty oqıǵasy Baký slavıan ýnıversıtetiniń professory, fılologııa ǵylymdarynyń doktory Nızamı Mamedov-Tagısoıdyń ázerbaıjan tilindegi «Muhtar Áýezovtiń shyǵarmashylyǵy: dástúrden jańashyldyqqa» atty kitabynyń tusaýkeseri boldy. Avtor qazaq jazýshysynyń fenomenin jańa fılosofııalyq-estetıkalyq jáne áleýmettik-kórkemdik turǵydan tereń zerttegen. Kitap QR Tuńǵysh Prezıdenti – Elbasy N.Á.Nazarbaevtyń «Bolashaqqa baǵdar: Rýhanı jańǵyrý» baǵdarlamasyn júzege asyrý aıasynda jaryq kórdi.
Is-shara barysynda qonaqtarǵa jazýshynyń uly, qoǵam qaıratkeri Murat Áýezovtiń beıne úndeýi usynyldy, onda ol avtorǵa qazaq jazýshysyn eske alýyna qurmet kórsetken, ázerbaıjan oqyrmanyna onyń shyǵarmashylyq murasy men talantyn kórsetkeni úshin jáne qazaq ádebıeti men mádenıetin baýyrlas elde tanymal etkendikterine óz alǵysyn bildirdi.
О́z sózderinde ázerbaıjandyq qalam sheberleri Muhtar Áýezovtiń Abaıdyń rýhanı áleminiń ashylýyna qosqan zor úlesin, sol kezdegi kúrdeli jaǵdaıda qazaq ádebıettanýynyń, prozasy men dramatýrgııasynyń qalyptasýyn, shyǵarmalardyń joǵary sapasy men búkil túrki álemi úshin qundy bolyp tabylatyn san qyrly ulttyq ereksheligin atap ótti.
Tusaýkeser rásimi Muhtar Áýezovtiń ómiri men qyzmeti týraly derekti fılmdi kórýimen aıaqtaldy jáne Abaı Qunanbaıulynyń 175 jyldyǵyn merekeleý aıasynda ótkizilgen qorytyndy is-shara boldy.
