– Botanıkalyq baq oqýshylardyń tabıǵatqa qyzyǵýshylyǵyn arttyrýǵa yqpal etedi. Munda 6-9-synyptardyń oqýshylary totyqus pen tasbaqany, balyqtardy qorektendiredi. Sýyn aýystyryp, ósimdikterdi baptaıdy. Oqýshylar baqta ǵylymı jobalardy qorǵaýǵa da daıyndalady. Bizdiń maqsatymyz – balalardy jastaıynan qorshaǵan ortany qorǵaýǵa baýlý, – deıdi Muqyr orta mektebiniń dırektory Venera Myrzaǵalıeva.
Mekteptegi «Jas natýralıster» úıirmesiniń jetekshisi, bıolog Meıramgúl Medınınanyń aıtýynsha, oqýshylar zertteý jobalaryn qosa júrgizip, júldeli oryndardy ıelene bastapty.
– Úıirmede 11-14 jas aralyǵyndaǵy oqýshylar tórt topqa bólindi. Ár topta 10 baladan bar. Máselen, oqýshylarymyz Nuraı Sısenbaı men Saltanat Jumabaı respýblıkalyq «Tabıǵatty aıala» baıqaýynyń oblystyq kezeńine qatysyp, «Jasyl oazıster» atalymynda birinshi oryndy jeńip aldy. Olar saıystyń respýblıkalyq kezeńinde úshinshi oryndy ıelendi. Qazir taǵy bir oqýshy – Elena Berkinǵalı «Qyzyl qulaqty tasbaqalardyń tirshiligi» taqyrybynda ǵylymı zertteý jumysyn daıyndap jatyr, – deıdi M.Medınına.
Atyraý oblysy
