Sonyń biri – ótken jyly óńirde oryn alǵan bank qyzmetkeriniń qylmysy bolyp tabylady. Vedomstvo basshysy istiń mán-jaıyn eske saldy. Oqıǵa 2019 jylǵy 11 qarashada Jitiqara qalasynda oryn alǵan. Bank qyzmetkeri óziniń jeke shotyna 87 mıllıon teńgeden astam qarjy aýdaryp, birden QR aýmaǵynan qashyp ketken.
Ol 2019 jyldyń qarasha aıynda Chelıabınsk qalasynda ustaldy. Qazirgi ýaqytta bul qylmys boıynsha tergeý aıaqtalýǵa jaqyn jáne qylmystyq is taıaý kúnderi sotqa jiberiledi. Sosyn proseske qatysýshylar is materıaldarymen tanysady. Beket Aımaǵambetov negizgi tergeý áreketteriniń Reseı Federasııasynyń aýmaǵynda pandemııa kezinde júrgizilgenin habarlady. Ol úshin Qazaqstan Premer-Mınıstriniń kabıneti arqyly RF quzyretti organdaryna quqyqtyq kómek kórsetý týraly halyqaralyq tapsyrma joldanǵan jáne RF quqyq qorǵaý organdary tarapynan tolyq qoldaý kórsetilgen.
Bul qylmystyq is materıaldaryna tirkelgen zattaı aıǵaqtardy alýǵa múmkindik berdi. Urlanǵan aqsha bankke qaıtaryldy.
