Baqylaýshy memlekettiń basqa ókilderi shaqyrý boıynsha Alqanyń, Komıssııa keńesiniń jáne EEK janyndaǵy keńesshi organdardyń otyrystaryna qatysa alady. Sonymen qatar baqylaýshy memlekettiń memleket jáne úkimet basshysynyń shaqyrý boıynsha Joǵarǵy Keńes pen Eýrazııalyq úkimetaralyq keńestiń otyrystaryna qatysý múmkindigi qarastyrylǵan Baqylaýshy mártebesin alǵan memleket Odaqtyń jáne oǵan múshe memleketterdiń múddelerine, EAEO týraly sharttyń maqsattaryna nuqsan keltiretin kez kelgen is-áreketten aýlaq bolýǵa mindetti.
О́zbekstan EAEO elderimen saýda-ekonomıkalyq yntymaqtastyqty belsendi túrde keńeıtip otyr. 2016-2019 jyldary О́zbekstannyń jalpy taýar aınalymy múshe eldermen 4,5 mıllıard dollardan 9,1 mıllıard dollarǵa deıin eki esege ósti, qazirgi ýaqytta О́zbekstannyń EAEO-pen syrtqy saýdasynyń úlesi 30% quraıdy, al aýylsharýashylyq ónimderiniń eksporty 75% asady.
О́zbekstan halqynyń sany – 30,6 mıllıon adam. Satyp alý qabilettiligi boıynsha eldiń IJО́ shamamen 223 mıllıard dollardy quraıdy, syrtqy saýda aınalymy 22,9 mıllıard dollardy quraıdy, onyń ishinde eksport – 11,5 mıllıard dollar (onyń 20%-y EAEO elderine keledi), ımport – 11,4 mıllıard dollar (EAEO elderinen shamamen 55%).
Jan-jaqty saýda-ekonomıkalyq yntymaqtastyqty tereńdetý odaqqa múshe emes Táýelsiz Memleketter Dostastyǵyna múshe memlekettermen, jalpy alǵanda, EAEO halyqaralyq qyzmetiniń basym baǵyty bolyp tabylady.
EAEO-nyń Kýbamen Odaq sheńberindegi baqylaýshy memleket retinde ózara is-qımyly 2018 jyly jasalǵan ózara túsinistik týraly memorandým aıasynda EEK pen Kýba Respýblıkasy Úkimetiniń arasyndaǵy buryn qalyptasqan ózara is-qımyl tetikterin damytady, onyń sheńberinde birlesken jumys toby jumys isteıdi.
EAEO-men dıalogty Kýba jaǵy Eýrazııa kontınentindegi Kýba Respýblıkasynyń dástúrli seriktesterimen saýda-ekonomıkalyq baılanystardy jandandyrýdyń mańyzdy elementi jáne yntymaqtastyqty jańa laıyqty deńgeıge shyǵarýǵa yntalandyrý retinde qarastyrady.
EAEO-ǵa múshe elder men Kýba arasyndaǵy saýda-ekonomıkalyq yntymaqtastyqtyń damý deńgeıi ósý úshin mańyzdy áleýetke ıe. 2019 jyldyń sońynda EAEO elderiniń Kýbamen taýar aınalymy 214,7 mıllıon dollardy qurady, onyń ishinde eksport – 197,1 mıllıon dollar jáne ımport – 17,6 mıllıon dollar. 2018 jyly EAEO arasyndaǵy taýar aınalymynyń 2010 jyldan bastap rekordtyq deńgeıi tirkeldi.
