Aımaqtar • 12 Jeltoqsan, 2020

Jańatasta 180 páterli eki turǵyn úı qoldanysqa berildi

62 ret kórsetildi

Jambyl oblysy Jańatas qalasynda kópten beri jaramsyz, bos-qańyrap turǵan 180 páterli kópqabatty eki úı qaıta jańǵyrtýdan ótip, Táýelsizdik merekesi qarsańynda paıdalanýǵa berildi, dep habarlaıdy Egemen.kz

Páter kiltterine ıe bolǵandardyń basym bóligi – áleýmettik jaǵynan az qamtylǵan jáne jyldar boıy páter kezeginde turǵan otbasylar. Jyl sanap damyp kele jatqan Jańatas qalasyndaǵy turǵyn úı máselesi oń turǵyda sheshilip keledi. Bul týraly qonys toıdyń saltanatty jıynynda quttyqtaý sóz alǵan Sarysý aýdanynyń ákimi Baqytjan Jaqsylyqov aıtty.

"Búginge deıin Jańatas qalasynda turǵyn úı kezeginde — 1789 azamat tizimde turǵan edi desek, bul tizim Táýelsizdik kúni qarsańynda qysqara tústi. О́ıtkeni búgin Jańatas qalasynda kópqabatty eki úı qaıta jóndeýden ótip, qoldanysqa berildi. Desek te, jyldan-jylǵa qala turǵyndarynyń sany kóbeıip keledi. Tıisinshe, turǵyn úı kezegindegiler sany da arta túsýde. Osy máseleni sheshý, turǵyndardy, ásirese jaǵdaıy tómen otbasylary men múmkindigi shekteýli azamattardy turǵyn úımen qamtý úshin barlyq múmkindikter qarastyrylýda", dedi aýdan ákimi.

Aıta keteıik, "Jumyspen qamtýdyń jol kartasy" baǵdarlamasy aıasynda qalanyń ekinshi shaǵyn aýdanyndaǵy №24, №26 úıler qaıta jańǵyrtylyp, paıdalanýǵa berilip otyr. Sonyń nátıjesinde uzaq jyldar boıy kezekte turǵan azamattar búgin jańa páterge ıe boldy. Páter kiltterin tabystaý saltanaty barlyq sanıtarlyq saqtyq sharalaryn ustana otyryp ótti. Úıli bolǵandardyń qýanyshynda shek joq. Solardyń biri – tórt bólmeli páterge ıe bolǵan kópbalaly ana Aıda Aqylbekova. Ol birneshe jyldan beri segiz ul-qyzymen páter jaldap turyp kelgen.

"Mine, kópten bergi armanymyz búgin oryndalyp otyr. Merekege oraı bul tamasha tartý boldy", deıdi ol.

Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar