2013 jylǵy 18 qazan, Astana qalasy
Memlekettik ákimshilik laýazymǵa alǵash ret qabyldanǵan tulǵalarǵa tálimgerlerdi bekitý qaǵıdasyn bekitý týraly
Qazaqstan Respýblıkasynyń «Memlekettik qyzmeti týraly» 1999 jylǵy 23 shildedegi Zańynyń 19-babynyń 1-tarmaǵyna sáıkes, buıyramyn:
1. Qosa berilgen Memlekettik ákimshilik laýazymǵa alǵash ret qabyldanǵan tulǵalarǵa tálimgerlerdi bekitý qaǵıdasyn bekitý týraly erejesi bekitilsin.
2. Qazaqstan Respýblıkasy Memlekettik qyzmet isteri agenttiginiń Quqyqtyq qamtamasyz etý bólimi (Haıdarov A.Sh.) osy buıryqty Qazaqstan Respýblıkasynyń zańnamasynda bekitilgen tártippen Qazaqstan Respýblıkasy Ádilet mınıstrliginde memlekettik tirkelýdi jáne keıinnen ony buqaralyq aqparat quraldarynda resmı jarııalaýdy qamtamasyz etsin.
3. Osy buıryq resmı jarııalanǵan kúninen keıin on kúntizbelik kún ótken soń qoldanysqa engiziledi.
Tóraǵa A.BAIMENOV.
Qazaqstan Respýblıkasynyń Memlekettik qyzmet isteri agenttigi Tóraǵasynyń 2013 jylǵy 18 qazandaǵy №06-7/148 buıryǵymen bekitilgen
Memlekettik ákimshilik laýazymǵa alǵash ret qabyldanǵan tulǵalarǵa
tálimgerlerdi bekitý qaǵıdasy
1. Jalpy erejeler
1. Osy Memlekettik ákimshilik laýazymǵa alǵash ret qabyldanǵan tulǵalarǵa tálimgerlerdi bekitý erejesi (budan ári – Ereje) «Memlekettik qyzmet týraly» Qazaqstan Respýblıkasynyń 1999 jylǵy 23 shildedegi Zańynyń 19-babynyń 1-tarmaǵyna sáıkes ázirlendi.
2. Osy erejede mynadaı túsinikter qoldanylady:
1) tálimgerlik – memlekettik ákimshilik laýazymǵa alǵash ret qabyldanǵan tulǵalardyń qyzmettik mindetterin óz betinshe oryndaýǵa kásibı daıyndaý men beıimdeý;
2) tálimger – memlekettik qyzmetke alǵash ret qabyldanǵan tulǵaǵa bekitilgen, onyń kásibı daıarlyǵyna praktıkalyq kómek kórsetetin memlekettik qyzmetshi;
3) qyzmetshi – memlekettik ákimshilik qyzmetke alǵash ret qabyldanǵan adam.
2. Tálimgerliktiń maqsaty men mindetteri
3. Tálimgerliktiń maqsaty qyzmetshilerdiń jáne memlekettik organdardyń jumysynda sabaqtastyqty qamtamasyz etý, qyzmetshilerdiń kásibı daıyndyǵyna kómek kórsetý bolyp tabylady.
4. Tálimgerliktiń negizgi mindetteri:
1) qyzmetshiniń memlekettik qyzmetke jaýapty jáne sanaly qatynasyn qalyptastyrý;
2) qyzmetshiniń memlekettik qyzmetti júzege asyrý jaǵdaılaryna beıimdelýine kómek kórsetý;
3) qyzmetshilerdi kásibı daıyndaý prosesterin jedeldetý;
4) qyzmetshilerdiń laýazymdyq nusqaýlyqtarynda bekitilgen (budan ári – laýazymdyq mindetter) atqaratyn laýazymyna sáıkes olarǵa júktelgen mindetterdi óz betinshe, sapaly jáne jaýapty oryndaý qabiletterin damytý bolyp tabylady.
3. Tálimgerlikti uıymdastyrý
5. Tálimgerlik «B» korpýsynyń memlekettik ákimshilik laýazymdarynyń V-5, S-5, S-O-6, C-R-4, C-R-5, D-5, D-O-5, D-O-6, E-5, E-R-5, E-G-4 sanattary boıynsha qabyldanǵan qyzmetshilerge qatysty júzege asyrylady.
О́zge sanattaǵy memlekettik ákimshilik laýazymdarǵa qabyldanǵan qyzmetshilerge qatysty tálimgerlik memlekettik organ basshysynyń sheshimi boıynsha júzege asyrylady.
6. Tálimgerlik 1 aıdan 2 aıǵa deıingi merzimdi quraıdy.
Memlekettik ákimshilik qyzmetshi dáleldi sebeptermen qyzmette bolmaǵan kezeń tálimgerlikti júzege asyrý merzimine eseptelmeıdi.
7. Boljamdy tálimger kelisken jaǵdaıda, laýazymdyq ókilettikke sáıkes memlekettik organ qyzmetkerlerin laýazymǵa taǵaıyndaý men laýazymnan bosatý quqyǵy berilgen tulǵanyń nemese osy ókilettikter berilgen ózge tulǵanyń atyna jazylǵan, qyzmetshiniń tikeleı basshysynyń usynysy tálimgerdi bekitýge negizdeme bolady.
8. Tálimger mynadaı talaptarǵa sáıkes kelýi tıis:
1) memlekettik qyzmette qyzmet ótili keminde eki jyl bolýy;
2) memlekettik qyzmetshilerdiń qyzmetin sońǵy baǵalaý nátıjesi boıynsha «tıimdi» baǵa alýy. Tálimgerdiń kandıdatýrasyn irikteý kezinde, boljamdy tálimgerdiń jyl saıynǵy qyzmetin baǵalaý ótkizilmese, attestasııalyq komıssııanyń sońǵy sheshimi boıynsha memlekettik ákimshilik qyzmetshilerdiń oń qorytyndysy bolýy qajet;
3) tártiptik jazasy joq bolýy;
Atalǵan talaptarǵa sáıkes keletin tálimgerdiń kandıdatýrasy bolmaǵan jaǵdaıda, tálimger retinde qyzmetshiniń tikeleı basshysy bekitiledi.
9. Memlekettik qyzmetshini tálimger retinde bekitý memlekettik organǵa qyzmetshi qabyldanǵan kúnnen bastap bes jumys kúnnen keshiktirilmeı, laýazymǵa taǵaıyndaý quqyǵy bar tulǵanyń buıryǵy negizinde júzege asyrylady.
10. Bir tálimgerge eki qyzmetshiden artyq bektýge jol berilmeıdi.
11. Eger de tálimgerdiń tálimgerlikti júzege asyrýǵa múmkindigi bolmaǵan jaǵdaıda (bosatý, basqa memlekettik laýazymǵa aýysýǵa, dáleldi sebeptermen boıynsha jumysta bir aptadan kóp bolmaǵan ýaqytynda) tálimgerdiń aýystyrylýda osy erejeniń 9-tarmaǵynda kórsetilgen, tálimgerdiń atqaratyn ákimshilik laýazymnan bosatylǵan soń bes jumys kúninen nemese tálimgerdiń jumysta bolmaǵan birinshi kúninen on jumys kúninen keshiktirilmeı resimdeledi.
Bul rette, tálimgerlikti júzege asyrý merzimi ózgertilmeıdi.
12. Tálimger ony tálimger bolyp bekitkennen keıin úsh jumys kúni ishinde kásiptik qyzmetshiniń daıyndyǵy men beıimdelýi týraly jeke jospar daıyndaıdy. Jospar qyzmetshiniń jumys ornyndaǵy qurylymdyq bólimsheniń basshysymen kelisiledi.
13. Tálimger:
1) qyzmetshige onyń laýazymdyq mindetterimen, qyzmetiniń negizgi baǵyttarymen, memlekettik organnyń jumysyn uıymdastyrý jáne ókilettikterimen, oryndaýshylyq tártibimen, memlekettik qyzmetke baılanysty quqyqtarmen, mindettermen, shekteýlermen, qyzmetshiniń qyzmettik minez-qulyq talaptarymen tanysýǵa járdemdesedi;
2) qyzmetshige normatıvtik quqyqtyq aktiler men onyń laýazymdyq mindetterin oryndaýda paıdalanylatyn normatıvtik aktilerdi tanystyrady;
3) qyzmetshige qyzmettik mindetterin jáne tapsyrmalaryn sapaly oryndaýdyń kásibı ádisteri jáne tásilderin oqytady;
4) qyzmetshige berilgen tapsyrmalar men jeke josparda kórsetilgen is-sharalardyń oryndalýyna baqylaýdy júzege asyrady;
5) qyzmetshimen jiberilgen qatelerdi anyqtap, birlesip joıady, qyzmetshige oryn alǵan kemshilikterin joıýǵa kómek kórsetedi;
6) qyzmetshiniń óz laýazymdyq mindetterin oryndaýǵa qatynasyn, sondaı-aq jumystaǵy áriptesterge, azamattarǵa sypaıy qarym-qatynastaryn qalyptastyrady;
7) qyzmetshi týraly pikir beredi.
14. Qyzmetshi:
1) oǵan berilgen tapsyrmalardy oryndaıdy, beıimdeý men kásibı daıyndaý jeke josparynda kózdelgen is-sharalardy júzege asyrady;
2) laýazymdyq mindetterin oryndaýda tálimgerdiń usynymdaryn basshylyqqa alady;
3) óziniń tálimgerinen kómek suraı alady;
4) óziniń kásibı biliktilik deńgeıin joǵarylatýǵa, daǵdylary men qabiletterin damytýǵa, bilim alýǵa kúsh salady;
5) tálimgerlik merziminiń aıaqtalýy boıynsha esep daıyndaıdy.
4. Qorytyndy
15. Qyzmetshi tálimgerlik merzimi aıaqtalǵannan keıin jeke josparynyń oryndalýy, basqa oryndalǵan tapsyrmalar, tálimgerlik kezeńinde alynǵan bilimder men daǵdylar, tálimgerlikti uıymdastyrý jóninde eskertýler men usynystar týraly esep daıyndaıdy.
Qyzmetshiniń esebi qyzmetshi jumys isteıtin qurylymdyq bólimsheniń basshysyna usynylady.
16. Tálimgerlik aıaqtalýy boıynsha tálimger qyzmetshige qyzmetshiniń laýazymdyq mindetteriniń oryndalý nátıjeleri, onyń biliminiń deńgeıi, sheberligi men daǵdylarynyń damýy, qyzmettik mindetterin ózindik oryndaý qabileti, qyzmettik qujattamalardy daıyndaý sapasy kórsetiletin pikir daıyndaıdy.
Pikir qyzmetshi jumys isteıtin qurylymdyq bólimsheniń basshysyna usynylady.
17. Qyzmetshiniń esebi men tálimgerdiń pikiri tálimgerlik aıaqtalǵan kúnnen bastap bes jumys kúni ishinde osy Qaǵıdanyń 9-tarmaǵynda kózdelgen tulǵaǵa jáne personaldy basqarý qyzmetine (kadr qyzmetine) usynylady.
18. Tálimgerdiń pikiri, qyzmetshiniń esebi basqa da qajetti qujattarmen birge qyzmetshiniń jáne tálimgerdiń jeke isinde saqtalady.
19. Tálimgerlikti júzege asyrý boıynsha memlekettik qymetshilerdiń qyzmetiniń nátıjeleri olardy yntalandyrý, qyzmette joǵarylatý boıynsha sheshim qabyldaýǵa negiz bolyp tabylady.
20. Memlekettik organdardaǵy tálimgerlikti uıymdastyrý personaldy basqarý qyzmetine (kadr qyzmeti) júkteledi.
Personaldy basqarý qyzmeti (kadr qyzmeti) tálimgerlikti uıymdastyrý tájirıbesin zerdelep jáne jınaqtap, osy erejeniń 9-tarmaǵynda kórsetilgen tulǵaǵa memlekettik organdaǵy tálimger boıynsha jumysty jetildirý týraly usynystar engizedi.
–––––––––––––
Buıryq Qazaqstan Respýblıkasynyń Ádilet mınıstrliginde 2013 jylǵy 20 qarashada Normatıvtik quqyqtyq kelisimderdi memlekettik tirkeýdiń tizilimine №8914 bolyp engizildi.
