«Qazir tirkelgen halyq tirkelimindegi (RPN) 652 478 azamattyń 82 373-i (12,6%) saqtandyrylmaı otyr. On bes sanattaǵy jeńildigi bar azamattar biryńǵaı jıyntyq tólem tóleý arqyly 42 500 teńge kómek aldy. Al, biryńǵaı jıyntyq tólemdi zań boıynsha ózin-ózi qamtyǵan azamattar tóleýi tıis bolatyn. Osylaısha jeńildikti paıdalanatyn sanattaǵy azamattar óz statýsyn joǵaltyp aldy. Sonymen birge Úkimettiń 2020 jylǵy 20 sáýirdegi №224 qaýlysyna sáıkes shaǵyn jáne orta kásipkerliktiń 29 sanaty bıylǵy 1 qazanǵa deıin óz qyzmetkerleri úshin jarna tólemeı, tek tizimin derekqorǵa engizýi qajet edi. Biraq, barlyǵy birdeı tizimdi engizbeýine baılanysty qyzmetkerleri saqtandyrylmaı qalǵan», dedi Sábıt Quralbek.
Onyń aıtýynsha, jeke sektorda jumys isteıtin azamattardyń saqtandyrylmaýyna aı saıynǵy jalaqyny qolma-qol alǵany sebep bolǵan.
