2013 jylǵy 19 tamyz, Astana qalasy
Qazaqstan Respýblıkasy qarjy polısııasy organdarynyń qyzmetkerlerine synyptyq biliktilikti berý jónindegi nusqaýlyqty bekitý týraly
«Qazaqstan Respýblıkasynyń qarjy polısııasy organdary týraly» 2002 jylǵy 4 shildedegi Qazaqstan Respýblıkasy Zańynyń 7-baby 3-tarmaǵynyń 5) tarmaqshasyna sáıkes, sondaı-aq Qazaqstan Respýblıkasy Prezıdentiniń «Qazaqstan Respýblıkasynyń memlekettik bıýdjeti jáne Ulttyq Bankiniń smetasy (bıýdjeti) esebinen qamtylǵan Qazaqstan Respýblıkasy organdary qyzmetkerlerine eńbekaqy tóleýdiń biryńǵaı júıesi týraly» 2004 jylǵy 17 qańtardaǵy № 1284 Jarlyǵyn iske asyrý maqsatynda, buıyramyn:
1. Qosa berilip otyrǵan:
1) Qazaqstan Respýblıkasy qarjy polısııasy organdarynyń qyzmetkerlerine synyptyq biliktilikti berý jónindegi nusqaýlyq osy buıryqtyń 1-qosymshasyna sáıkes;
2) Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polısııasynyń) (budan ári – Agenttik) synyptyq biliktilik máseleleri jónindegi komıssııa týraly erejesi osy buıryqtyń 2-qosymshasyna sáıkes bekitilsin.
2. Agenttiktiń Kadrlar basqarmasy Quqyqtyq qamtamasyz etý jáne halyqaralyq yntymaqtastyq departamentimen birlesip atalǵan buıryqtyń Qazaqstan Respýblıkasynyń Ádilet mınıstrliginde tirkelýin jáne onyń Qazaqstan Respýblıkasy zańnamasymen belgilengen tártipte resmı jarııalanýyn qamtamasyz etsin.
3. Osy buıryqtyń oryndalýyn baqylaý Agenttik Tóraǵasynyń birinshi orynbasary qarjy polısııasynyń general-maıory A.I. Lýkınge júktelsin.
4. Osy buıryq alǵashqy resmı jarııalanǵan kúninen bastap qoldanysqa engiziledi.
Tóraǵa R.TÚSIPBEKOV.
Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttigi Tóraǵasynyń 2013 jylǵy 19 tamyzdaǵy № 256 buıryǵyna 1 qosymsha
Qazaqstan Respýblıkasy qarjy polısııasy organdary qyzmetkerlerine synyptyq biliktilikti berý jónindegi nusqaýlyq
1. Jalpy erejeler
1. Qazaqstan Respýblıkasy qarjy polısııasy organdary qyzmetkerlerine synyptyq biliktilikti berý týraly nusqaýlyq (budan ári - Nusqaýlyq) Qazaqstan Respýblıkasy qarjy polısııasy organdary qyzmetkerlerine olardyń óz mamandyqtaryn meńgerý boıynsha qol jetkizgen deńgeılerine sáıkes synyptyq biliktilikti berý, rastaý, tómendetý, aıyrý tártibi men sharttaryn naqtylaıdy.
2. Qyzmetkerlerdiń qol jetkizgen daıyndyq deńgeılerine, jumys tájirıbesi men qyzmet ótiline sáıkes rettiligi boıynsha kelesi synyptyq biliktilikter beriledi: «2-synypty maman», «1-synypty maman», «1-synypty maman - tálimger».
Synyptyq biliktilikti berý qarjy polısııasy organdary qyzmetkerleriniń kásiptiligin joǵarylatý, kadrlardy bekitý, sondaı-aq qyzmetkerlerdi materıaldyq yntalandyrý maqsatynda júzege asyrylady.
Synyptyq biliktilikter:
1) «2-synypty maman», quqyq qorǵaý qyzmetindegi qyzmet ótili keminde 3 jyl jáne synyptyq biliktiligi joq qyzmetkerlerge;
2) «1-synypty maman», quqyq qorǵaý qyzmetindegi qyzmet ótili keminde 5 jyl «2-synypty maman» synyptyq biliktiligi bar qyzmetkerlerge;
«2 synypty maman» synyptyq biliktiligi joq jáne quqyq qorǵaý organdarynda 10 jyldan astam qyzmet atqarǵan qyzmetkerlerge atqaryp otyrǵan laýazymy boıynsha kásibı bilimi men daǵdylarynyń deńgeıin eskere otyryp «1-synypty maman» synyptyq biliktiligi berilýi múmkin;
3) «1 synypty maman - tálimger» keminde alty aı ýaqytqa «1 synypty maman - tálimger» synyptyq biliktiligi bar jáne keminde 7 jyl quqyq qorǵaý qyzmetinde jumys ótili bar, bir nemese odan da kóp jas mamandar men (nemese) jańadan taǵaıyndalǵan qyzmetkerlerge tálimger bolýdy júzege asyryp jatqan qyzmetkerlerge beriledi.
Synyptyq biliktilikter óziniń qyzmettik mindetterin adal atqaratyn, tártiptik jazalary joq, jeke quramdy (tálimgerlik ótip jatqan qyzmetkerdi) sapaly oqytý men tárbıeleýdi qamtamasyz etip jatqan qyzmetkerlerge tikeleı bastyqtardyń usynystary boıynsha beriledi.
3. Synyptyq biliktilikti berý, rastaý, tómendetý jáne aıyrý týraly sheshimdi qarjy polısııasy organdarynyń (budan ári - QPO) basshysy nemese ýákiletti basshysy Synyptyq biliktilik máseleleri jónindegi komıssııasynyń (budan ári - Komıssııa) usynysy boıynsha buıryq shyǵarý arqyly qabyldaıdy.
4. Qyzmeti boıynsha úsh aıǵa deıingi aralyqtaǵy úzilispen QPO jańadan qabyldanǵan, sondaı-aq Qazaqstan Respýblıkasynyń zańnamasyna sáıkes tártipte burynǵy oryndaryna qaıta taǵaıyndalǵan tulǵalardyń synyptyq biliktiligi saqtalady.
Quqyq qorǵaý organdarynan shyǵarylǵan jáne qarjy polısııasy organdaryna jańadan taǵaıyndalǵan qyzmetkerler osy Nusqaýlyqtyń talaptaryna sáıkes bolǵan jaǵdaıda burynǵy berilgen synyptyq biliktilik rastalady.
Qarjy polısııasy organdaryna qyzmetke basqa quqyq qorǵaý organdarynan aýysý tártibimen qabyldanǵan tulǵalarǵa synyptyq biliktilikti berý (rastaý) budan buryn bar bolǵan synyptyq bilikterin berý (rastaý) usynystary negizinde Komıssııanyń sheshimi boıynsha júzege asyrylady.
Qyzmetker Agenttiktiń ortalyq apparatyna basqa aýmaqtyq qarjy polısııasy organdarynan issaparǵa jiberý tártibimen aýystyrylǵan jaǵdaıda, eger ortalyq apparattaǵy jańa laýazymy boıynsha qyzmettik mindetterin atqarýy qosymsha (basqa) bilim men daǵdylardy talap etken bolsa, ol bir jyldan keıin buryn berilgen synyptylyqty rastaýǵa mindetti.
5. Qyzmetkerlerge synyptyq biliktilik úshin ústemeaqy qyzmetkerlerdiń aı saıynǵy negizgi aqshalaı úlesimen birge tólenedi.
6. QPO qaramaǵynda turǵan, sondaı-aq bala kútimi demalysyndaǵy qyzmetkerlerge berilgen synyptyq biliktilikteri saqtalady, al ústemeaqy tóleý eńbekaqy tóleýdiń biryńǵaı júıesine sáıkes tólenedi.
7. Qazaqstan Respýblıkasynyń bilim beretin vedomstvolyq uıymdarynda kúndizgi oqý bóliminde, sondaı-aq shet elderde oqyp jatqan qyzmetkerlerge berilgen synyptyq biliktilikter ústemeaqy tóleýsiz búkil oqý merziminde saqtalady.
2. Synyptyq biliktilikti berý, rastaý, tómendetý nemese aıyrý tártibi
8. QPO qyzmetkerlerine synyptyq biliktilikter kelesi buıryqtarmen beriledi:
1) Agenttiktiń ortalyq apparatynyń qyzmetkerlerine, Astana, Almaty qalalary, oblystar boıynsha Ekonomıkalyq qylmysqa jáne sybaılas jemqorlyqqa qarsy kúres departamentteri (qarjy polısııalary) (budan ári - ESJKD), Qarjy polısııasy akademııasy (budan ári - Akademııa) bastyqtaryna – Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polısııasy) (budan ári - Agenttik) Tóraǵasynyń;
2) Tıisti ESJKD men Akademııa qyzmetkerlerine – ESJKD jáne Akademııa bastyqtarynyń buıryqtarymen beriledi.
9. Agenttik Tóraǵasynyń birinshi orynbasaryna, orynbasarlaryna, Apparat basshysyna synyptyq biliktilik Agenttik Tóraǵasy orynbasarynyń usynysy boıynsha, Agenttiktiń departamentteri men derbes basqarmalarynyń bastyqtaryna – Apparat basshysynyń usynysy boıynsha, ESJKD men Akademııa bastyqtaryna – Kadrlar basqarmasy bastyǵynyń usynysy boıynsha, Agenttiktiń ortalyq apparatynyń, aýmaqtyq qarjy polısııasy organdarynyń jáne Akademııanyń qyzmetkerlerine – qyzmet bastyqtarymen kelisilgennen keıin tikeleı bastyqtarynyń usynystarymen beriledi.
10. Qyzmetkerler synyptyq biliktilikti berýge kelesi merzimderde usynylmaıdy:
1) onyń QPO qaramaǵynda bolǵan kezde, laýazymǵa taǵaıyndalǵanǵa deıin;
2) alynbaǵan tártiptik jazasy bolǵanda;
3) oǵan qatysty qyzmettik tergeý júrgizý jáne (nemese) qylmystyq isti tergeý merziminde – qyzmettik tergeý jáne (nemese) qylmystyq is aqtaý negizderi boıynsha aıaqtalǵanǵa deıin, aqtaý úkimi zańdy kúshine engenge deıin.
11. Usynysta kelesiler kórsetiledi:
1) qyzmetker týraly saýalnamalyq málimetteri (qyzmetkerdiń aty-jóni, tegi, týylǵan jyly, bilimi(deri), mamandyǵy(tary), biliktiligi(teri), ǵylymı dárejesi jáne (nemese) ataǵy);
2) eńbek qyzmeti týraly málimetteri (oryn aýystyrý, biliktiligin joǵarylatý, qaıta daıarlaý, jedel-qyzmettik áreketindegi mańyzdy nátıjeleri týraly málimetteri);
3) qyzmetkerdiń iskerlik jáne jeke qasıetterin baǵalaý (kásibı biliktiligi, jumys qabilettiligi, iskerlik jáne jeke qasıetteri, kótermeleý jáne jazalaý týraly málimetter).
12. Qyzmetkerge synyptyq biliktilikti berý, rastaý, tómendetý nemese aıyrý týraly usynystar Komıssııanyń qaraýyna engiziledi.
13. Qyzmetkerge synyptyq biliktilikti berý, rastaý, tómendetý nemese aıyrý týraly máselesi oń sheshilgen jaǵdaıda Komıssııa QPO basshysyna nemese ýákiletti basshysyna qyzmetkerge synyptyq biliktilikti berý, rastaý, tómendetý nemese aıyrýdy usynady.
14. Komıssııanyń sheshimimen kelisken jaǵdaıda QPO basshysy nemese ýákiletti basshysy qyzmetkerge synyptyq biliktilikti berý, rastaý, tómendetý nemese aıyrý týraly buıryq shyǵarady.
15. Qyzmetkerge synyptyq biliktilikti berý, rastaý, tómendetý nemese aıyrý týraly buıryqtyń kóshirmesi qyzmetkerdiń laýazymdyq jalaqysyna tıisti ústemeaqy qosý, onyń mólsherin ózgertý nemese tólemdi toqtatý úshin QPO qarjy qyzmetine joldanady.
16. Qyzmetkerge synyptyq biliktilikti berý, rastaý, tómendetý nemese aıyrý kúni onda ózgeshe eskerilmese, buıryqqa qol qoıylǵan kún bolyp tabylady.
17. Qyzmetkerdiń synyptyq biliktiligi kelesi jaǵdaılarda tómendetiledi:
1) qyzmetke tolyq sáıkes emestigi týraly eskertý túrindegi tártiptik jaýapkershilikke tartylǵan, sondaı-aq atqaryp otyrǵan laýazymynan bosatylǵan jáne (nemese) arnaıy ataǵyn bir satyǵa tómendetilgen jaǵdaıda;
2) attestattaý, onyń ishinde kezekten tys attestattaý qorytyndysy boıynsha laýazymynan tómendetelgen nemese basqa qyzmetke aýystyrylǵan jaǵdaıda.
18. Osy Nusqaýlyqtyń 18 tarmaǵynyń 1) jáne 2) tarmaqshalarynda qarastyrylǵan mán-jaılar «2-synypty maman» synyptyq biliktiligi bar qyzmetkerlerge qatysty týyndaǵan jaǵdaıda qyzmetker synyptyq biliktiliginen aıyrýǵa jatady.
20. Synyptyq biliktilikten aıyrylǵan, sondaı-aq synyptyq biliktilikteri tómendetilgen qyzmetkerler synyptyq biliktilikterin berýge (rastaýǵa) synyptyq biliktilikterinen aıyrylǵan nemese tómendetilgen kúnnen bastap alty aı ótkennen keıin ǵana qaıta usynylyna alady.
21. Synyptyq biliktilikti berý, rastaý, tómendetý nemese aıyrý týraly materıaldar (komıssııa otyrysynyń hattamasy, synyptyq biliktilikti berý, rastaý, tómendetý, aıyrýǵa usynylǵan qyzmetkerlerdiń tizimi) QPO kadrlar qyzmetiniń nomenklatýralyq isterinde saqtalady.
3. Synyptyq mamandardyń kótermeleý jáne olardy esepke alý sharalary
22. Kóbirek synyptyq biliktilikteri bar qyzmetkerler basqa úmitkerlermen teń bolǵan jaǵdaılarda joǵary turǵan laýazymdarǵa taǵaıyndaý jáne kótermeleý kezinde artyqshylyqqa ıe bolady.
23. Synyptyq biliktilikteri bar qyzmetkerlerdi esepke alýdy QPO kadr qyzmetteri júzege asyrady.
24. Synyptyq biliktilikter berilgen, rastalǵan, tómendetilgen nemese aıyrylǵan qyzmetkerlerdiń jeke isterinde (qyzmettik tizim bóliminde) buıryqtyń nómiri men kúni kórsetile otyryp jazba júrgiziledi.
Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttigi Tóraǵasynyń 2013 jylǵy 19 tamyzdaǵy № 256 buıryǵyna 2 qosymsha
Qazaqstan Respýblıkasy Ekonomıkalyq qylmysqa jáne
sybaılas jemqorlyqqa qarsy kúres agenttiginiń (qarjy polısııasynyń)
Synyptyq biliktilik máselesi jónindegi komıssııasy týraly
EREJE
1. Jalpy erejeler
1. Osy Ereje Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polısııasynyń) Synyptyq máseleleri jónindegi komıssııasy (budan ári - Komıssııa) jumysynyń tártibin anyqtaıdy.
2. Komıssııa alqalyq-keńesshi organ bolyp tabylady jáne óz qyzmetinde Qazaqstan Respýblıkasynyń Konstıtýsııasyn, 2002 jylǵy 4 shildedegi «Qazaqstan Respýblıkasynyń qarjy polısııasy organdary týraly», 2011 jylǵy 6 qańtardaǵy «Quqyq qorǵaý organdary týraly» Qazaqstan Respýblıkasynyń Zańdaryn, Qazaqstan Respýblıkasy Prezıdentiniń «Qazaqstan Respýblıkasynyń memlekettik bıýdjeti jáne Ulttyq Bankiniń smetasy (bıýdjeti) esebinen qamtylǵan Qazaqstan Respýblıkasy organdary qyzmetkerlerine eńbekaqy tóleýdiń biryńǵaı júıesi týraly» 2004 jylǵy 17 qańtardaǵy №1284 Jarlyǵyn, Qazaqstan Respýblıkasynyń basqa da zańnamalyq aktilerin basshylyqqa alady.
2. Komıssııanyń negizgi fýnksııalary men quqyqtary
3. Komıssııa óz quzireti sheńberinde kelesi fýnksııalardy júzege asyrady:
1) Synyptyq biliktilikti berý, rastaý, tómendetý jáne aıyrýdyń bekitilgen tártibin saqtaıdy;
2) usynylǵan málimetterdiń durystyǵyn tekseredi;
3) synyptyq biliktilikti berýge usynylǵan qarjy polısııasy organdary (budan ári - QPO) qyzmetkerleriniń daıyndyq deńgeıiniń sáıkestigin anyqtaıdy;
4) synyptyq biliktilikti berý, rastaý, tómendetý jáne aıyrýǵa qatysty ótinishter men aryzdardy qarastyrady.
4. Komıssııanyń quzyreti:
1) óz otyrystarynda synyptyq biliktilikti berýge, rastaýǵa, tómendetýge jáne aıyrýǵa usynylǵan QPO qyzmetkerlerin tyńdaý;
2) Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polısııasynyń) (budan ári-Agenttik) qurylymdyq bólimsheleriniń basshylarynan óz fýnkııalaryn oryndaý úshin qajetti qujattardy, materıaldar men aqparattardy suratyp alý.
3. Komıssııa qyzmetin uıymdastyrý
5. Komıssııanyń quramynda Komıssııa Tóraǵasy, músheleri jáne hatshysy bolady.
Komıssııanyń jeke quramy Agenttik Tóraǵasymen bekitiledi.
Komıssııa músheleri bolmaǵan jaǵdaıda olardyń mindetterin laýazym boıynsha ýaqytsha atqarýshy qyzmetkerlermen almastyrýǵa ruqsat etiledi.
6. Komıssııa otyrysy qajet bolǵan jáne onyń músheleriniń keminde úshten ekisi qatysqan jaǵdaıda ótkiziledi.
7. Komıssııa sheshimi Komıssııa músheleriniń kópshilik qarapaıym daýysymen qabyldanady. Daýystar teń bolǵan jaǵdaıda, sońǵy daýys beretin Komıssııa Tóraǵasynyń daýysy sheshýshi bolyp tabylady.
Komıssııa sheshimi hattamamen resimdeledi, oǵan Komıssııa Tóraǵasy, músheleri jáne hatshysy qol qoıady.
8. Komıssııa Tóraǵasy:
1) Komıssııany basqarady, onyń jumysyn uıymdastyrady jáne júzege asyrady;
2) Komıssııa otyrysynyń kún tártibin, otyrystyń ýaqyty men ótkiziletin ornyn, shaqyrylǵan tulǵalardyń tobyn anyqtaıdy;
3) Komıssııa otyrysyn shaqyrady jáne onda Tóraǵalyq etedi;
4) sheshýshi daýys berý quqyǵyna ıe;
5) Komıssııa músheleriniń fýnksıonaldyq mindetterin anyqtaıdy jáne olardyń Komıssııa jumysyn uıymdastyrý boıynsha jaýapkershilikterin belgileıdi;
6) qajet bolǵan jaǵdaıda Agenttik Tóraǵasyna Komıssııanyń jumysy týraly baıandaıdy;
7) Komıssııaǵa júktelgen fýnksııalar men mindetterdiń oryndalýyna derbes jaýapkershilikte bolady.
9. Komıssııa músheleriniń quzyreti:
1) QPO qyzmetkerlerine synyptyq biliktilikti berý, rastaý, tómendetý nemese aıyrý týraly kelip túsken materıaldardy (usynystardy) zerdeleý;
2) QPO qyzmetkerlerine synyptyq biliktilikti berý, rastaý, tómendetý nemese aıyrý týraly máseleler boıynsha Komıssııa Tóraǵasyna usynystar engizý.
10. Komıssııa músheleri Komıssııa otyrystaryna jáne onyń aǵymdaǵy jumystaryna qatysýǵa mindetti.
11. Komıssııa hatshysy:
1) Komıssııa múshelerine Komıssııa otyrysynyń ótkiziletin ýaqyty men orny týraly habarlaıdy;
2) Komıssııa otyrysyna qajetti qujattar men materıaldardy daıyndaıdy;
3) Qabyldanatyn sheshimderdiń jobalaryn daıyndap, Komıssııa múshelerimen kelisedi;
4) Komıssııa otyrysynyń hattamalaryn júrgizedi;
5) Komıssııa Tóraǵasynyń tapsyrmasy boıynsha basqa da fýnksııalardy júzege asyrady.
Agenttiktiń Kadrlar basqarmasynyń qyzmetkeri Komıssııa hatshysy bolyp tabylady. Komıssııanyń barlyq materıaldary Agenttiktiń Kadrlar basqarmasynyń nomenklatýralyq isinde saqtalady.
4. Komıssııa sheshimine shaǵymdaný
12. QPO qyzmetkeri Komıssııa sheshimimen kelispegen jaǵdaıda Agenttiktiń Tóraǵasyna nemese sotqa shaǵymdanýǵa quqyly.
––––––––––––
Buıryq Qazaqstan Respýblıkasynyń Ádilet mınıstrliginde 2013 jylǵy 26 qyrkúıekte Normatıvtik quqyqtyq kelisimderdi memlekettik tirkeýdiń tizilimine №8744 bolyp engizildi.
