«Memleket basshysynyń tapsyrmasyna saı el Úkimeti azamattarymyzdy qaýipti indetten aman alyp qalý úshin der kezinde tıisti sharalardy qabyldady. Álemdi sharpyǵan qaýipti dert bizge de ońaı soqpaǵanymen, tájirıbeli dárigerlerimiz ben orta jáne kishi medısına qyzmetkerleriniń arqasynda naýqastanǵan kópshilik azamat saýyǵyp shyqty. Indet kezinde dárigerlik mindetterin adal atqarǵan, halyqtyń densaýlyǵy úshin qazir de kúndiz-túni aıanbaı kúresip júrgen barlyq medısına qyzmetkerine alǵys aıtamyz», dedi Ońdasyn Orazalın.
Qazirgi kezde óńirdegi barlyq medısınalyq mekemeniń qaramaǵynda 341 birlik jedel járdem kóligi tirkelgen. Alaıda 900 myńǵa jýyq turǵyny bar shalǵaı eldi mekenderi kóp oblysqa 341 avtokólik azdyq etedi.
Soǵan baılanysty jedel járdem kólikteri qoryn jańartý jáne sanyn kóbeıtý jumystary keıingi jyldary jandana tústi. Máselen, tek 2020 jyldyń ózinde jergilikti bıýdjetten 239,4 mıllıon teńgege «ÝAZ» markaly 24 sanıtarlyq avtokólik pen «FORD» markaly bir neonataldy reanımobıl satyp alyndy. Budan ózge lızıng arqyly «Hyundai H-350» markaly 19 reanımobıl jáne «JAC Ѕunray» markaly 20 reanımobıl alyndy.
Oblys ákimi óńirdiń 12 aýdany jańa 15 reanımobılmen tolyqqanyna qaramastan, 2021 jyly da medısına mekemelerin jedel járdem kólikterimen jabdyqtaý jumysy jalǵasatynyn habarlady. 2021 jyly aýdandyq aýrýhanalar úshin oblystyq bıýdjet esebinen taǵy da 21 jedel járdem kóligi satyp alynatyn boldy.
