Is-sharaǵa Qazaqstan Respýblıkasy Aqparat jáne qoǵamdyq damý mınıstrliginiń Jastar jáne otbasy isteri komıtetiniń tóraǵasy Shahmardan Baımanov, Almaty oblysynyń jastar saıasaty máseleleri jónindegi basqarma basshysy Saparov Eldar, respýblıkalyq «Jasyl el» shtabynyń basshysy Danııar Azamat, respýblıkalyq jastar uıymdarynyń kóshbasshylary, óńirlik delegattary, «Jasyl el» eńbek jasaqtarynyń belsendileri qatysty.
Jastar jáne otbasy isteri Komıtetiniń tóraǵasy Aqparat jáne qoǵamdyq damý mınıstri Aıda Balaevanyń «Jasyl el» respýblıkalyq shtabyna joldaǵan alǵys hatyn oqydy.
Is-shara barysynda, bıyl Elbasy Nursultan Nazarbaevtyń «Jasyl el» jastar eńbek jasaqtaryn qurý jónindegi bastamasyna 15 jyl tolyp otyrǵany aıtyldy.
Jıyn barysynda úzdik shtab, «Jasyl el» jastar eńbek jasaqtarynyń belsendi sarbazdary, qozǵalystyń eń belsendi qatysýshylary Aqparat jáne qoǵamdyq damý mınıstrliginiń atynan alǵys hattarmen marapattaldy.
Sóıtip «Jasyl el» jobasynyń arqasynda, 2020 jyldyń ózinde Qazaqstannyń barlyq óńirlerinen 11 myńnan astam jastar maýsymdyq jumyspen qamtyldy.
Aıta ketsek, 15 jyl ishinde 300 myńnan astam jastar «Jasyl El» jobasyna, ıaǵnı maýsymdyq jumystarǵa tartyldy. «Jasyl El» jobasy búkil Qazaqstan boıynsha jastar eńbek jasaqtaryna 40 mıllıonnan astam aǵash otyrǵyzýǵa, saıabaqtardy, alańdardy, aýlalardy abattandyrýǵa múmkindik berdi, sol arqyly jas qazaqstandyqtar eldi mekenderdi kógaldandyrýǵa úlken úles qosty.
«Jasyl el» respýblıkalyq shtaby jalpy memlekettik jastar qozǵalysyna aınaldy, belsendi jastardy biriktirip, olardy eńbekke baýlydy, patrıotızm sezimin uıalatyp, ómirlik mańyzdy áleýmettik daǵdylardyń damýyna yqpal etti, al eń belsendileri úshin – tabysty kásibı mansapty qurýdaǵy áleýmettik lıft boldy.
«Jasyl el» jobasynyń basty maqsattarynyń biri qazaqstandyq jastarda ekologııalyq dúnıetanymdy, mádenıetti, tabıǵat pen qorshaǵan ortaǵa jaýapkershilikpen qaraýdy qalyptastyrý bolyp tabylady.
Memleket basshysy Q.K. Toqaev óziniń 2020 jylǵy 1 qyrkúıektegi Qazaqstan halqyna Joldaýynda atap ótkendeı, «qorshaǵan ortany qorǵaý jáne ekologııalyq damý - bizdiń elimiz úshin birinshi kezektegi máseleler, bul bizdiń mańyzdy jáne negizgi mindetimiz. Búkil órkenıetti álem jurtshylyǵy osy máselemen aınalysýda. Bizge de mundaı jappaı úrdisten shet qalýǵa bolmaıdy».
2021 jyly Qazaqstan Respýblıkasy Aqparat jáne qoǵamdyq damý mınıstrligi «Jasyl el» respýblıkalyq shtabymen birlesip, jastar arasynda ekologııalyq mádenıetti qalyptastyrýǵa baǵyttalǵan jobalardy iske asyrýdy josparlap otyr.
