Soltústik Qazaqstan oblysy tabıǵatty qorǵaý polıseıleri múddeli vedomstvolardyń qyzmetkerlerimen janýarlar dúnıesin brakonerlerden qorǵaý boıynsha turaqty birlesken reıdterdi ótkizdi.
5 jeltoqsanda kezekti reıd barysynda Mamlıýt aýdanynyń polısııa bólimi tabıǵatty qorǵaý polısııasy qyzmetkerleri Meńgeser ańshylyq sharýashylyǵy qoryqshysymen Katanaı aýyly mańyndaǵy jerde Petropavldyń 37 jastaǵy turǵyny basqarǵan Nissan Hilux avtokóligin toqtatqan.
Kólik ishinde taǵy bir qala turǵyny pen eki aýdan turǵyny bolǵan.
Kólik salonynan qynapqa salynǵan tegis uńǵyly qarý, 42 patrony bar oqshantaı, pyshaq tabyldy. Júksalǵyshta basy kesilgen, oq atylǵan tórt sibir eligi jatqan.
Atalǵan fakti QR Qylmystyq kodeksiniń 337-baby (zańsyz ańshylyq) boıynsha Sotqa deıingi tergep-tekserýlerdiń biryńǵaı tizilimine engizildi.
Qazirgi ýaqytta eki qarýdyń ıesi 54 jáne 48 jastaǵy aýyl turǵyny kúdikti dep tanyldy. Olar ýaqytsha ustaý ızolıatoryna qamaldy. Janýarlardyń denesi, qarý men avtokólik tárkilendi, qajetti saraptamalar taǵaıyndalyp, tergeý júrgizilip jatyr.
