2020 jyldyń 11 aıynda Almaty qalasy Qoǵamdyq densaýlyq basqarmasynyń medısınalyq uıymdarynda 423 030 naýqas emdelgen bolsa, onyń ishinde TMKKK aıasynda - 227 381 adam, MÁMS boıynsha 182 617 naýqas em qabyldaǵan.
- Táýliktik stasıonarlar deńgeıinde 307 381 naýqas emdelip shyqty. Bul jazylyp shyqqandardyń jalpy sanynyń 72,6%-yn quraıdy- dep málimdedi ákimdiktiń baspasóz qyzmeti.
Eresekter úshin kardıologııalyq, endokrınologııalyq, nevrologııalyq, revmatologııalyq, oftalmologııalyq, kardıohırýrgııalyq medısınalyq qyzmetter óte qajet.
Alǵashqy medısınalyq-sanıtarııalyq kómek uıymdary janyndaǵy kúndizgi stasıonarlarda 67 776 pasıent nemese 2020 jylǵy 11 aıda emdelgenderdiń jalpy sanynyń 16% - y em qabyldady. Onyń ishinde TMKKK sheńberinde - 36 660 adam, MÁMS sheńberinde-31 082 pasıent em alǵan.
AMSK uıymdarynyń janyndaǵy úıdegi stasıonar deńgeıinde 15 475 pasıent, onyń ishinde TMKKK sheńberinde - 15 343, MÁMS sheńberinde – 132 pasıent emdeldi. Úıdegi stasıonarlar negizinen balalar men qart adamdar úshin, sondaı-aq koronavırýstyq ınfeksııasy bar naýqastar men olarmen baılanysta bolǵan adamdarǵa úı karantıni úshin uıymdastyrylady.
Almatyda sozylmaly búırek jetkiliksizdigi bar, gemodıalız terapııasyna muqtaj naýqastarǵa qyzmet kórsetiletinin atap ótken jón. 15 gemodıalız ortalyǵynda 2 216 pasıent emdeldi. Gemodıalız qyzmeti tek TMKKK sheńberinde júzege asyrylady.
Sondaı-aq, qala klınıkalarynyń bazasynda joǵary tehnologııalyq medısınalyq qyzmetter boıynsha kómek kórsetiledi. 2020 jyldyń 11 aıynda 35 medısınalyq uıymda 2 825 pasıent emdeldi, onyń ishinde TMKKK sheńberinde – 152, MÁMS sheńberinde - 2 656 pasıent.
