Atap aıtqanda, «SOVA» jáne «Janym Sol» karaoke bary, «ALANYA» túngi klýby, «Echo» bary, «ZOLOTO» meıramhanasy men «Storıs» laýndj-baryna qatysty derekter. «Teqila» laýndj-baryna qatysty eki hattama joldandy.
«Dese de, «Teqila» laýndj bary, «ZOLOTO» meıramhanasy, «ALANYA» túngi klýby (Manas kóshesi, 9/1) karantın sharalaryn buzýdy jalǵastyrýda. О́tken demalys kúnderi atalǵan obektilerge qatysty shaǵymdar qaıta kelip tústi, jospardan tys tekserýler júrgizildi, olardyń barysynda talap buzý faktisi rastaldy. Tekserý nátıjeleri boıynsha materıaldar qosymsha dálel retinde ákimshilik sotqa jiberiledi», – dedi Nur-Sultan qalasynyń bas memlekettik sanıtarlyq dárigeri Janna Pirálıeva.
Budan bólek, mereke kúnderi «Mega Silk Way» SOO-da «Kango» batýt ortalyǵyna jáne Turan dańǵyly, 21 úıdegi «Icon» klýbyna qatysty qaıta shuǵyl habarlamalar kelip tústi. Buǵan deıin atalǵan nysandarǵa buzýshylyqtardy joıý týraly eskertý berilgen bolatyn. Osy obektilerge qatysty nusqamany oryndamaǵany úshin, ákimshilik quqyq buzýshylyq týraly hattama ákimshilik sotqa jiberiletin bolady.
Esterińizge sala keteıik, qalada bıznes sýbektilerine karantın jáne shekteý sharalarynyń saqtalýyn qadaǵalaıtyn monıtorıng júrgizilýde. Shilde aıynan bastap osy ýaqytqa deıin talap buzǵany úshin 261 296 654 teńge somasyna jeke, laýazymdy jáne zańdy 1 297 tulǵa ákimshilik jaýapkershilikke tartyldy.
