Álemdegi eń tanymal Coursera onlaın oqytý platformasy QR Eńbek jáne halyqty áleýmettik qorǵaý mınıstrligimen jáne «Eńbek resýrstaryn damytý ortalyǵy» AQ-men birlesip, qazaqstandyqtar úshin tegin onlaın oqytýdyń aýqymdy jobasyn iske asyrýda.
Búgingi kúni aǵymdaǵy jylǵy 1 qazan men 15 jeltoqsan aralyǵynda tirkeýden ótken qazaqstandyqtar óteýsiz negizde 500 kýrs boıynsha oqytýdan ótedi, jalpy alǵanda olar 262 myńnan astam oqý saǵatyn ótti. Bul rette 20 myń adam bir mezgilde 2 jáne odan da kóp kýrstarda oqıdy. 10 myńnan astam adam oqýdy aıaqtap, álemniń túkpir-túkpirinen tanylǵan bilim berý uıymdarynyń rastaıtyn sertıfıkattaryn aldy.
Oqytýdyń eń tanymal baǵyttary bıznes, IT jáne kompıýterlik ǵylymdar, tilderdi oqytý, jeke damý jáne derekter ǵylymy boldy. Kýrstardan ótýdiń arqasynda 15 myń qatysýshy bıznes-aǵylshyn tiliniń daǵdylaryn jaqsartty. 9 myń adam Python tilinde baǵdarlamalaý daǵdylaryn ıgerdi. 4 myń qazaqstandyq SMM negizderi boıynsha bilim aldy.
Kýrstarda oqıtyndardyń kópshiligi (12,3 myń adam) 26-dan 30 jasqa deıingi jastaǵy adamdar. Odan keıin 21-25 jas aralyǵynda – 11,1 myń qatysýshy, 31-35 jas – 8,5 myń, 20 jasqa deıingi sanat – 6,4 myń bilim alýshy.
Qazaqstandyqtar oqıtyn top-10 kýrsqa «Teach English Now! Technology Enriched Teaching», «Programming for Everybody (Getting Started with Python)», «Busines sEnglish: Basics», «Jobalar men ónimdermen jumys jasaýdaǵy eptilik pen Scrum», «Python-ǵa ený», sondaı-aq «Aǵylshyn tilindegi kásibı emal», «SMM naýqany: maqsattar, strategııa, algorıtmder jáne marketıngtik áleýet», «Rastrlyq grafıka. Adobe Photoshop CC», «О́z aqshańa bıznes ashý», «О́mirlik isti tabý negizderi. 1-bólim. Isti keıinge qaldyrýdy qalaı toqtatýǵa bolady?».
Esterińizge sala keteıik, Coursera alańynda tegin oqytý kýrstaryna tirkelý 2020 jyldyń 15 jeltoqsanynda aıaqtaldy. Tirkelgen qatysýshylar úshin kýrstar 2021 jyldyń 15 aqpanyna deıin qoljetimdi.
