Kezdesýde eń aldymen, eńbek jaǵdaılary, onyń qaýipsizdigin arttyrý jáne óndiristik jaraqattanýdy azaıtý týraly áńgime boldy. Nurlan Nyǵmatýlın atap ótkendeı, bul máseleler árqashanda Nur Otan partııasynyń baqylaýynda.
«Elbasy, Nur Otan partııasynyń Kóshbasshysy Nursultan Ábishuly Nazarbaev shynaıy eńbektiń qadirin biletin kenshiler men metallýrgterge árdaıym nazar aýdaryp keledi. Bizdiń partııamyz joǵaryda atalǵan máselelerdi sheshýge, sonymen birge zańnamalyq deńgeıde retteýdi qolǵa alatyn bolady. Memleket Basshysy Qasym-Jomart Kemeluly Toqaevtyń jumyspen qamtý saıasatyn iske asyrý sheńberinde partııa laıyqty jalaqy men halyqtyń tabysyn arttyrýdy basym baǵyt retinde qarastyrady», dedi Nurlan Nyǵmatýlın.
Qazirgi ýaqytta eńbekkerlerdiń qorǵalýy máseleleri Eńbek kodeksiniń, ónerkásiptik qaýipsizdik týraly zań jobasynyń quqyqtyq normalarymen, avarııalyq-qutqarý qyzmetterin attestattaýdy engizýmen bekitilgen.
Áleýmettik qoldaý, turǵyn úı, óndiristi jańǵyrtý týraly áńgime Kostenko kenishinde jalǵasty. Qazaqstandyqtardyń turǵyn úı máselelerin sheshý baǵytynda Nur Otan partııasy 103 mln sharshy metr turǵyn úı salýdy josparlap otyr.
Turǵyn úıler paıdalanýǵa berilgen kezde kópbalaly jáne áleýmettik qorǵalmaǵan azamattarǵa basymdyq qarastyrylady. Sonymen qatar áleýmettik tólemderdi jyl saıyn ındeksteýge 3 trln teńgeden astam qarajat bólinedi. Nurlan Nyǵmatýlınniń aıtýynsha, osy baǵyttardy iske asyrý jalpy el ekonomıkasyn damytý úshin, sonyń ishinde Qaraǵandy oblysynyń áleýetin aıtarlyqtaı nyǵaıtýǵa múmkindik beredi.
Sondaı-aq, Nur Otan ár óńir úshin ınvestısııa tartýdyń, óńirdiń salalyq mamandanýyn eskere otyryp, jobalardy iske asyrýdyń ındıkatorlaryn belgileýge nıetti. Budan basqa, Qazaqstanda óz kiristerin saqtaý jáne qaıta ınvestısııalaý úshin ınvestorlardy yntalandyrý boıynsha sharalar qabyldanatyn bolady.
