Aımaqtar • 21 Jeltoqsan, 2020

Semeıdegi bylǵary zaýyty jelatın men belkozın shyǵarýdy josparlap otyr

31 ret kórsetildi

Semeıdegi 10 jyl boıy turyp qalǵan bylǵary zaýyty shyǵarylatyn ónim jelisin keńeıtýdi kózdep otyr. Jarty jyldan az ýaqyt ishinde kásiporyn turyp qalǵan óndiristi qalpyna keltirip qana qoımaı, eksportqa shyǵa aldy. Endi óndiristik qýattylyqty arttyrý, tipti zaýyt úshin jańa ónim – jelatın men belkozın shyǵarýdy bastaý josparda bar, dep habarlaıdy Egemen.kz.

2020 jyldyń maýsymynda «Qazaqstannyń ınvestısııalyq qory» AQ  jáne Kusto Group halyqaralyq kompanııalar tobyna kiretin «Semey Tannery» JShS kompanııasy arasynda Semeı qalasynda bylǵary kombınatyn keıinnen satyp alý quqyǵymen múlikti jalǵa alý shartyna qol qoıyldy.

Investor birqatar jóndeý jumystaryn júrgizip, 2020 jyldyń tamyz aıynda jumysqa kiristi. Kásiporynda habarlaǵandaı, kombınatta aıyna 250 tonnaǵa deıin shıkizat óńdeledi. Kombınattyń maksımaldy qýaty jylyna 1,7 mıllıon sharshy metrge deıin wet blue jartylaı fabrıkatyn quraýy múmkin. Jartylaı fabrıkattardy óndirý tehnologııasynda qoldanylatyn shıkizat pen qajetti hımııalyq zattardy jergilikti ónim berýshiler jetkizedi, sonymen qatar Reseıden ishinara satyp alynady.

«Búginde biz zaýytta óńdeýge daıyn 800 tonnaǵa jýyq iri qara terisin satyp aldyq. Biz áli maksımaldy qýatqa jete almadyq, sebebi pandemııa áser etti, elder men aımaqtar arasyndaǵy shekaralar jabylǵan kezde biz daıyn ónimdi eksporttaı almadyq, qajetti hımıkattardy ımporttaı almadyq, aımaqtardan shıkizat ala almadyq... Bul óte qıyn boldy, biraq soǵan qaramastan, biz tótep berip, óndiris qarqynyn birtindep arttyrýdamyz. Qazirgi ýaqytta zaýyt júktemesi shamamen 30-40 paıyzdy quraıdy. Qazan aıynda ónimniń alǵashqy partııasy eksportqa jóneltildi. Biz Qazaqstan boıynsha shıkizat satyp alý jelisin quryp, otandyq taýar óndirýshilermen seriktestikti jolǵa qoıdyq», - dep bólisti «Semey Tannery» JShS atqarýshy dırektory Rýslan Bısenov. 

Kombınat onyń negizgi qyzmet túri boıynsha iske qosyldy: IQM terisin óńdeý, wet blue hromdy ıleýdiń eksportqa baǵdarlanǵan jartylaı fabrıkaty bylǵary ónimin óndirý jáne satý. Kásiporynda 100-ge jýyq adam jumys isteıdi.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar