Qazirgi tańda júrek-qantamyr aýrýlarynan bolatyn ólim-jitim dúnıejúzinde birinshi oryn alady. Sondyqtan júrek-qantamyry keselderin asqyndyrmaı, aldyn alý sharalary asa mańyzdy.
Júrek-qantamyr patologııasy bar pasıentterdiń 80%-dan astamynda kardıologııalyq aýrýlardy ýshyqtyryp, ómir súrý sapasyn tómendetip, adamnyń jumysy men áleýmettik belsendiligine áser etetin mazasyzdyq, fobııalyq jáne kúızelis belgileri baıqalady.
Sondyqtan bul naýqastar stasıonar jaǵdaıynda emdeledi jáne psıhologııalyq kómekpen kardıologııalyq ońaltý sharalaryn da talap etedi.
Mazasyzdyq qandaǵy stress gormondarynyń (kateholamınder) deńgeıin kóterip, aǵzany belsendiretin jáne tynyshtandyratyn júıeler arasyndaǵy teńgerimniń buzylýyna ákeledi.
Osy máselege oraı, Almatydaǵy Kardıologııa jáne ishki aýrýlar ǴZI ıogaǵa negizdelgen kúızeliske jeńý ádisterin paıdalaný arqyly psıhologııalyq kómek kórsetetin kardıologııalyq ońaltý jumystary sátti júrgizip jatyr. Bul tynys alý jattyǵýlary jáne medıatıvti praktıkanyń elementteri (mindfulness based stress reduction).
Emhananyń psıhoterapevi Rashıd Azızovtyń aıtýynsha, bul jattyǵýlar kardıovaskýlıarlyq patologııanyń qaýip faktorlaryn tómendetýge múmkindik beredi. Júrek jıyrylýy men arterııalyq qan qysymy jıiligi kórsetkishteriniń tómendeýi stress gormondarynyń shyǵýyn tejeıtin vegetatıvtik nerv júıeleriniń parasımpatıkalyq bólimderiniń joǵarylaýy arqyly qol jetkiziledi.
Oń nátıje jas adamdarda ǵana emes, sonymen qatar egde pasıentterde de baıqalady, deıdi Rashıd Azızov. Sabaqtar oryndyqta otyrǵan kúıde, dıafragmaldy tynys alý jattyǵýlary jáne mindetti teorııa bóligimen medıtasııa jasaı otyryp, toptarda aptasyna 2 ret ótedi.
Osyndaı toryǵý men kúızeliske tózimdilikti arttyrý keshenderi pasıentterdiń senimdiligin qaıtarýǵa, ómir súrý sapasyn jaqsartýǵa, qaýip faktorlaryn azaıtyp jáne sozylmaly júrek-qantamyry dimkástigine qatysty shaǵymdardyń sanyn azaıtýǵa kómektesedi.
Karolına ýnıversıtetiniń (Shvesııa) zertteýshiler tobynyń júrekshe fıbrıllıasııasy bar pasıentterdiń qatysýymen júrgizgen zertteýi osyndaı pasıentterdiń ómir súrý sapasyn jaqsartýdaǵy ıoganyń múmkindigin dáleldedi.
Tereń dem alý jattyǵýlaryna negizdele otyryp, júrek-qantamyr aýrýlary bar pasıentter úshin arnaıy ázirlengen ıoga sabaqtarynyń baǵdarlamasyna qatysýshylardyń ádettegi toptarǵa qaraǵanda psıhıkalyq kúıiniń kórsetkishteri joǵary boldy. Alynǵan málimetter boıynsha, avtorlar ıoga pasıentterge júrekshe fıbrıllıasııasynyń emosııalyq saldarymen kúresýge múmkindik beretin praktıkalyq aspaptardyń biri bolatyndyǵyn boljap otyr.
