21 jeltoqsandaǵy jaǵdaı boıynsha Nur-Sultan qalasynyń aýdandyq sanıtarlyq-epıdemıologııalyq qadaǵalaý basqarmalary polısııadan karantındi buzǵan adamdarǵa qatysty 2340 materıal aldy. 1185 jeke jáne zańdy tulǵa jalpy somasy 230 891 244 teńgege ákimshilik jaýapkershilikke tartyldy.
Búgingi tańda jalpy somasy 184 081 225 teńgege 957 ákimshilik aıyppul tólendi.
Negizgi quqyq buzýshylarǵa tamaqtaný oryndary (meıramhanalar, demalys oryndary, banket zaldary), dúkender, oıyn-saýyq mekemeleri (karaoke, túngi klýbtar), kompıýterlik jáne oıyn klýbtary, saýda ortalyǵyndaǵy batýt ortalyqtary, basqa obektiler (kınoteatrlar, sulýlyq salondary, saýnalar, monshalar, massaj kabınetteri) jatady.
Eske sala keteıik, birqatar túngi klýbtar men meıramhanalarǵa qatysty buıryqty oryndamaǵany úshin Nur-Sultan qalasynyń mamandandyrylǵan aýdanaralyq ákimshilik sotyna 7 ákimshilik hattama jiberildi. Olar «SOVA» karaoke-bary, «Janym Sol» karaoke-bary, «Alanya» túngi klýby, «Teqila» demalys bólmesi, «Echo» bary, «Zoloto» meıramhanasy.
«Sanıtarlyq epıdemıologııalyq qadaǵalaý basqarmasynyń ókilderi sottan joǵaryda atalǵan nysandar qyzmetti 3 aıǵa deıin toqtata turý túrindegi qosymsha jazany qoldaný týraly ótinish jasaıdy», - dep atap ótti sanıtarlyq-epıdemıologııalyq qadaǵalaý departamenti.
