«Isker ana» ortalyǵynyń bıznes ınkýbatory alǵashqy túlekterin qanattandyrdy

Bıyl Alma­tynyń k­óp balaly analary kásip ashý úshin 406 mln teń­ge­ge deıin grant aldy. Sol sııaq­ty «Shyńǵa órleý» áleý­mettik klýby jobasy iske qosylyp, múgedek jandardy áleýmettendirý jáne ju­mys­qa ornalastyrý maq­sa­tynda alǵash ret Ten qogam áleýmettik qoldaý orta­lyǵy ashyldy. Jyl sońyna qaraı, Almatydaǵy «Isker ana» ortalyǵynyń Medeý aýdanynda ornalasqan jalǵyz bıznes ınkýbato­ry alǵashqy túlekterin qanattandyrdy. Aldymen «Isker ana» orta­lyq­tary qalanyń bar­lyq aýdanynda jumys istep tur­ǵanyn, biraq Medeý aýda­nynyń artyqshylyǵy áleý­mettik bıznes bastaý ataýy­na ıe bolǵandyqtan, 4 modýl boıynsha áıelderdi kásipkerlikke oqytatynyn atap ótý kerek. Bıznes ınký­ba­tordyń alǵashqy túlek­te­ri bir jyl bilim aldy. Endi qabyldanatyn toptar jarty jyldan oqıtyn bolady.

«Baqytty otbasy» orta­lyq­tary kóp balaly áıel­der­diń áleýmettik tur­ǵyda alǵa jyljýyna qarjylaı emes qoldaý kórsetý maqsatynda qu­rylǵan edi. Al Medeý aýda­ny­nyń «Baqytty otbasy» bazasynda qu­ryl­ǵan bıznes-ınkýbator qabyr­ǵa­syndaǵy qoldaýdyń bul formaty jas kásipker analarǵa jumystaǵy táýekelderdi azaıtýǵa, klıentter tartyp, tabysqa jetýge kómektesedi.

Áleýmettik ınkýbator – Me­deý aýdany ákimdiginiń qol­da­ýy­­­men tegin qamtamasyz etilgen, ár áıelge arnalǵan jeke bólmeleri bar, kezdesýler men bilim berý is-sha­­ra­la­ryn ótkizýge arnalǵan keńse ala­ńy, kásip­ker­­­ler, úkimettik emes sektor men­ jer­­­gilikti bı­lik arasyndaǵy áleý­met­­tik serik­tes­tik­tiń qa­nat­qaqty joba­sy. Áıel­der­diń kásipker retinde ósýi­niń tamasha bir aıǵaǵy – bıznes-ınkýbatordyń eki qaty­sý­shy­sy 505 myń teńge startap-granttan bólek ár­qaı­sysy 2 mln teńge kó­le­minde ekinshi memlekettik qoldaýǵa ıe boldy. Áıelder ózderiniń jańa jobalarynda osy ınkýbator aıasynda odan ári yntymaqtastyqty biriktirýdi kóz­dep otyr.

2020 jyly 15 memo­ran­dým­ǵa qol qoıylyp, olar ınkýbatordyń tujy­rym­da­ma­syn ári qaraı damytýǵa sep­­testi. Áleýmettik ınký­ba­tordyń en­di­gi maqsaty – ha­lyq­tyń áleýmettik osal toptaryn tabysqa qulshyndyra otyryp, osy arqyly ómirlik qıyn­shy­lyqtardy jeńip shy­ǵý­ǵa yqpal etý. Bul úshin olar kásipkerlerge ıdeıa­lyq ke­zeń­nen bastap turaqty pozı­sııany qalyptastyrýǵa deıin qol­daý kórsetedi. Is bastaǵan qyz-kelin­shekter bıznestiń qyr-syryn meń­­ge­redi.

Búgingi túlekter shamamen 10 mln teńgeniń ónimin sata aldy. Tú­lekter – bul kóp balaly analar, olar­dyń arasynda bastapqyda AÁK alýshylary bolǵan. Bul qyz-kelin­shekter jeke kásip ashqannan keıin AÁK-ten bas tartyp, ózderi de tabys taba bastady. Erekshe qajet­tilikteri bar balalardy tár­bıe­­lep otyrǵan analar da bar.

ALMATY