Elimiz táýelsizdik alǵan jyldarda juldyzy joǵary bolyp, jarqyrap kóringen basylymdardyń biregeı darabozy «Egemen Qazaqstan» gazeti der edim. О́z basyma, ásirese, gazettiń basty baılyq – densaýlyq máselelerine basa kóńil bólip, júıeli jazatyny unaıdy. Munda ult densaýlyǵynyń túıtkildi jaılaryn keńinen tolǵaǵan maqala-suhbattardy oqyǵan saıyn qýanyp qalamyn. Bir aıtarlyǵy, gazet jýrnalısteriniń medısına máselelerin, densaýlyq saqtaý isin jazýda mol tájirıbe jınaǵandyǵy, taqyrypty jete zerdeleıtini, salany biletindigi taıǵa tańba basqandaı kórinip turady. Salamatty ómir saltynyń, aýyl-aýdandardaǵy emdeý sapasynyń kóptegen problemalary da ótkir aıtylyp jatady. О́zim dáriger, ómir boıy adam janynyń arashashysy bolyp kele jatqandyqtan, eldiń bas basylymynyń óz salamyzdy dáıim nazarda ustaýyn jaqsy nyshanǵa balaımyn.
Elimiz táýelsizdik alǵan jyldarda juldyzy joǵary bolyp, jarqyrap kóringen basylymdardyń biregeı darabozy «Egemen Qazaqstan» gazeti der edim. О́z basyma, ásirese, gazettiń basty baılyq – densaýlyq máselelerine basa kóńil bólip, júıeli jazatyny unaıdy. Munda ult densaýlyǵynyń túıtkildi jaılaryn keńinen tolǵaǵan maqala-suhbattardy oqyǵan saıyn qýanyp qalamyn. Bir aıtarlyǵy, gazet jýrnalısteriniń medısına máselelerin, densaýlyq saqtaý isin jazýda mol tájirıbe jınaǵandyǵy, taqyrypty jete zerdeleıtini, salany biletindigi taıǵa tańba basqandaı kórinip turady. Salamatty ómir saltynyń, aýyl-aýdandardaǵy emdeý sapasynyń kóptegen problemalary da ótkir aıtylyp jatady. О́zim dáriger, ómir boıy adam janynyń arashashysy bolyp kele jatqandyqtan, eldiń bas basylymynyń óz salamyzdy dáıim nazarda ustaýyn jaqsy nyshanǵa balaımyn.
«Egemen» tolǵaıtyn eldik máselelerine eleńdemeı tura almaımyn. Elbasynyń salıqaly saıasatyn halyqqa jetkizýdi basty murat sanaıtyn basylymnyń ár jaǵdaıdaǵy baıyptylyǵy, ustamdylyǵy tánti etedi. Sonymen birge, qajet jerinde batyldyq ta tanyta biledi. Rýhanııat, tarıh, til men dil oraıyndaǵy gazettiń ustanymy árkez kópshiliktiń, qalyń oqyrmannyń kóńilinen shyǵyp kele jatqany anyq. Gazettiń men baıqaǵan artyqshylyqtarynyń biri sol, qazaqqa kerektini áste de qalt jibermeıdi. Táýelsiz Qazaqstannyń tabystaryna, Qazaq eliniń álemdik abyroıyna rııasyz qýanady. Sondyqtan, men ony óz mıssııasy men paryzyna sergek, Alash muratyna barynsha adal basylym dep esepteımin.
Baz bireýler bılik pen halyqtyń arasyna jik qoıa sóılep, sodan upaı jınaıtyn syńaıly. Al Otanymyzdyń bas gazetine olaı jikteý jat. Bizdiń elimizde bılik pen halyq birtutas. Eldegi bereke-birlik pen tynyshtyq sonyń aıǵaǵy. Osy aqıqatty odan ári aıǵaqtaı túsetin parasatty eldik sózin «Egemen Qazaqstan» gazetiniń aıtýy da jarasymdy. Bul rette bas gazetke tikeleı ózimniń de aıtatyn alǵys-rahmetim mol. Beldi jýrnalıst Súleımen Mámetke bergen suhbatymda aıtqan ózindik oı-pikirlerimdi jonbaı-qyrmaı jarııalady. Oraıymen maqalalarymdy basyp turady. Oı-pikir erkindigin qurmetteıdi. Soǵan oraı zańdy túrde zamannyń zańǵar basylymyna aınalǵan gazetti zııaly qaýym ókili, biz de qurmetteımiz.
Kamal ORMANTAEV,
Ulttyq ǵylym akademııasynyń akademıgi.
ALMATY.
