Baǵdat Mýsın «Azamattarǵa arnalǵan úkimet» memlekettik korporasııasy» KEAQ oblystyq fılıalynyń jumysyna baǵa berip, memlekettik korporasııa ujymymen kezdesti. Fılıal dırektory Farhat Alımov 11 aıdaǵy jumys qorytyndylary týraly esep berip, árbir HQKO-ǵa kelgen árbir azamattaryna eGov mobile qosymshasyn ornatý boıynsha usynatynyn jáne smartfonnyń kómegimen sıfrlyq qujattardy paıdalaný jáne memlekettik qyzmetterdi alý joldaryn túsindiretinin atap ótti.
О́ńirge jumys sapary barysynda Mınıstrlik basshysy Open Pavlodar keńse-ortalyǵynda bolyp, onda qala ákimi Erjan Imanslıam qala turǵyndarynyń qyzmetterdi alýyn sıfrlandyrý jáne jeńildetý baǵdarlamasyn iske asyrý barysy týraly aıtyp berdi. Mınıstr Open Pavlodar keńse-ortalyǵyn aralaý barysynda qala turǵyndary, HQKO-ǵy men keńse-ortalyǵy klıentterimen áńgimelesip, tolǵandyratyn suraqtaryna jaýap berdi. Budan basqa, Mınıstr «Qazposhta» AQ fılıalynyń ujymymen kezdesý ótkizip, poshta bólimsheleri arqyly memlekettik qyzmet kórsetý múmkindigin usyný josparlary jáne memlekettiń poshta salasyn qoldaý josparlary týraly aıtty.
Mınıstrlik basshysy «Promanalıt» JShS-da bolyp, taldaý jáne ónerkásiptik avtomattandyrý, ekologııalyq monıtorıng júıesi jáne t.b. boıynsha otandyq ınjenerler ázirlegen ınnovasııalyq servıstermen tanysty. Mınıstr sheteldik analogtarmen básekelesetin jáne basqa elderge eksporttalatyn otandyq servısterdi quratyn osyndaı zaýyttardyń mańyzdylyǵyn atap ótti.
«Qazaqstan elektrolız zaýyty» AQ aralaý barysynda Mınıstrge kásiporynnyń qyzmeti týraly aqparat berildi, taý-ken kólik keshenin basqarý júıesiniń otyndy esepke alý jáne kólik monıtorınginiń avtomattandyrylǵan júıesiniń jumysyn kórsetti. Kásiporyn joǵary markaly bastapqy alıýmınııdi Qazaqstandaǵy jalǵyz óndirýshi bolyp tabylady.
Sondaı-aq, Baǵdat Mýsın «Qazaqtelekom» AQ Derekterdi óńdeý ortalyǵyna, 109 biryńǵaı baılanys ortalyǵyna, Toraıǵyrov ýnıversıtetine baryp, «Open Akimat» front-keńsesiniń jumysymen tanysty.
Sonymen qatar, Mınıstrlik basshysy Pavlodar oblysynyń ákimi Abylqaır Sqaqovtyń qatysýymen aǵymdaǵy jaǵdaı jáne óńirdi sıfrlandyrýdy damytýdyń problemalyq máseleleri boıynsha keńes ótkizdi.
«О́ńirlerdegi sıfrlandyrý – óte jaýapty ári mańyzdy prosess. Oblys ákiminiń sıfrlandyrý baǵdarlamasyn iske asyrýǵa jeke qatysýy, qoldaýy Pavlodar oblysy aldyńǵy qatarly «aqyldy oblystardyń» biri bolatynyna, al Pavlodar bolashaqta tıimdi sheshimderdi engizý prosesinde basqa qalalar úshin úlgi bola alatynyna senimdilik beredi», – dep atap ótti Baǵdat Mýsın keńes barysynda.
