– Alǵashynda ol meń tárizdi kishkentaı edi, bara-bara ulǵaıyp óse bastady. Dárigerler «túıinniń túsi men mólsherin baqylap júrińizder» degen. Isik ózdiginen tarap keter degen úmitimiz boldy, alaıda ol óse berdi, ósken saıyn qatty qoryqtyq, – deıdi Dalıdanyń anasy Ásel. Ol isiktiń tabıǵatyn taný úshin qanshama taldama tapsyryp, dáriger jaǵalap júrgen kúnderdiń artta qalǵanyna shúkirshilik aıtady. – Qaıterimizdi bilmeı «Ana men bala» ulttyq ortalyǵyna da bardyq, biraq ondaǵy mamandar da naqty sheshimge kele almady. Qap-qatty bolyp, talaýrap turǵan isikke qaraýdyń ózi júrekke qorqynysh uıalatty.
Al Dalıdany №2 kópsalaly qalalyq balalar aýrýhanasyna alyp kelgende mundaǵy mamandar isikti tez arada alyp tastaý úshin operasııa jasaý týraly sheshim qabyldaıdy. Alaıda onyń qıyn jáne qaýpi joǵary ekeni birden eskertildi.
«Balada tamyrly isik (jelke aımaǵynyń kavernozdy gemangıomasy) edi. Operasııaǵa deıingi daıyndyqtan keıin balaǵa shuǵyl túrde operasııa jasaldy. Gemangıoma alyndy. Zaqymdanýdyń aıtarlyqtaı úlken qaterinen hırýrgııalyq qan kete me degen qaýpimiz joǵary boldy. Biraq biz ony qıyndyqsyz alyp tastadyq. Barlyǵy jaqsy ótti», deıdi jalpy hırýrgııa bóliminiń meńgerýshisi Irek Mıngazov.
Qazir Dalıdanyń jaǵdaıy jaqsy, jelkesindegi kúdireıgen isiksiz emin-erkin ósip keledi. Buryn oınaýǵa da, uıyqtaýǵa da, kıim kııýge de qıyndyq týdyratyn isik alynyp tastalǵan Dalıda qazir quldyrańdap júr. Al onyń týysqandary bolsa qulynshaqty isikten qutqarǵan barsha medısına qyzmetkerine ózderiniń sheksiz alǵysyn bildiredi.
