Dóńgelek ústel jumysynyń maqsaty – qazaqstandyq mýzeıler qyzmetkerleriniń arasynda ekskýrsııalyq qyzmet kórsetý salasynda tájirıbe almasý, olardy mýzeı isiniń ózekti máselelerin sheshýge tartý, sondaı-aq Qazaqstan mýzeıleri qyzmetkerleriniń arasynda bilim berý jáne ǵylymı baılanystardy damytýǵa járdemdesý bolyp tabylady.
HHI ǵasyrda ekskýrsııalyq qyzmet kórsetý jumysy kúrt ózgeriske ushyrady. Munyń sebebi – qoǵamdyq sananyń ózgerýi, ınklıýzııanyń damýy, jańa tehnologııalardyń belsendi qoldanylýy. Sondaı-aq álemdi dúr silkindirgen pandemııa saldary da kóptegen tarıhı-mádenı oshaqtardyń jumys isteý baǵytyna birshama ózgerister engizdi.
Iаǵnı atalǵan shara aıasynda óńirlik mýzeı mamandarynyń qatysýymen ekskýrsııalyq qyzmetke qatysty mańyzdy máseleler talqylanyp, ony sheshý joldary boıynsha birqatar usynystar qabyldandy.
Dóńgelek ústel jumysy bastapqy úsh baǵytty qamtydy: Alǵashqysy pandemııa kezindegi mýzeı: ekskýrsııalardyń ózgerýi jáne jańa tehnologııalardy qoldaný bolsa, kelesisi erekshe qajettilikteri bar adamdarǵa ekskýrsııalar: máseleler, negizgi mindetter jáne ekskýrsııa júrgizýdiń ádisteri. Sońǵysy ekskýrsııalyq qyzmetti ádistemelik súıemeldeý.
Jıynǵa Qazaqstan Respýblıkasynyń eńbek sińirgen ekskýrsovody, IýNESKO-nyń ulttyq jattyqtyrýshysy Baqyt Orazymbetova qatysyp, Ulttyq mýzeı men elimizdiń óńirlik mýzeıleri qyzmetkerleriniń baıandamalaryn tyńdady.
Atalǵan shara barysynda qatysýshylar nazaryna Uly Dalanyń ejelgi óneri jáne tehnologııalary zaly boıynsha teatrlandyrylǵan ekskýrsııa usynyldy.
