Abaı • 25 Jeltoqsan, 2020

Túrkııanyń Chorým qalasynda Abaı atyndaǵy murajaı men saıabaq ashyldy

43 ret kórsetildi

Chorým túrik óńirinde Qazaqstan Elshiligi Eskilip aýdanynyń merııasymen birlesip Eskilip ǵalymdary murajaıynda, sondaı-aq Abaı Qunanbaıuly atyndaǵy saıabaqta arnaıy zaldyń saltanatty ashylý rásimin ótkizdi. Bul is-shara qazaqtyń uly aqyny men oıshylynyń 175 jyldyǵyn merekeleý aıasynda uıymdastyryldy, dep habarlaıdy Egemen.kz.

Ashylý saltanatynda sóz sóılegen Qazaqstan Elshisi Abzal Saparbekuly Tuńǵysh Prezıdent – Elbasy, Túrki keńesiniń Qurmetti tóraǵasy Nursultan Nazarbaevtyń: «Zaman ózgerse de, álem ózgerse de, halqymyz Abaı týraly pikirin ózgertpeıdi jáne ýaqyt óte kele onyń ulylyǵynyń jańa qyrlaryn ashady» degen sózderin keltirdi. Dıplomat sondaı-aq qatysýshylardyń nazaryn Memleket basshysy Qasym-Jomart Toqaevtyń: «Abaı murasy - bul bizdi ult retinde biriktiretin jáne el retinde damýǵa múmkindik beretin qundylyq» degen sózine aýdardy.

A. Saparbekuly túrik halqyna jáne Chorým qalasynyń basshylyǵyna qazaq halqy men Abaıǵa degen qurmeti úshin shynaıy alǵysyn bildirip, mundaı bastamalar eki el arasyndaǵy strategııalyq yntymaqtastyqty odan ári keńeıtýge yqpal etetinin atap ótti.

Chorým qalasy gýbernatorynyń orynbasary Redjep Iýksel óz sózinde búgin ashylǵan nysandar qazaq jáne túrik halyqtarynyń rýhanı jáne mádenı jaqyndyǵyn kórsetetin mańyzdy oqıǵa bolyp tabylatynyn atap ótti.

Abaı atyndaǵy zalda aqynnyń balaýyz músini, eksponattar men qoldan jasalǵan qazaq buıymdary qoıylǵan. Bul máselede Qazaqstannyń densaýlyq saqtaý salasyndaǵy ınvestısııalyq jobalardy iske asyratyn Orhun Medical túrik kompanııasy tıisti qoldaý kórsetti.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar