Partııa tóraǵasy Azat Perýashev Shymkent qalasynyń turǵyndarymen birneshe kezdesý ótkizdi. Olardyń biri №53 orta mektepte ótti, munda 2 myńnan astam oqýshy oqıdy jáne 200-ge jýyq muǵalim jumys isteıdi. «Aqjoldyqtar» partııanyń saılaýaldy baǵdarlamasymen tanystyryp, bilim berý salasyndaǵy ózekti máselelerdiń sheshimin tabý boıynsha usynystaryn jetkizdi. Partııa músheleri saıası qýǵyn-súrgin qurbandarynyń memorıalyna gúl shoqtaryn qoıyp, «Aq joldyń» qalalyq fılıalynyń úgit-nasıhat avtosherýine qatysty.
Sonymen qatar partııa belsendileri SCAT áýekompanııasynyń basshylyǵymen jáne ujymymen kezdesti. Kezdesý barysynda halyqaralyq áýejaı qurylysy máseleleri talqylandy. Jıyn barysynda qurylysty ınvestor júrgizetini, obektide negizinen otandyq óndiristiń qurylys materıaldary paıdalanylatyny jáne jumysqa jergilikti kadrlar tartylatyny da sóz boldy. Termınal tórt qabatty bolady dep josparlanýda, osylaısha saǵatyna 2 myń jolaýshyny qabyldaý múmkin bolmaq. Áýekompanııa prezıdenti Vladımır Denısovtiń aıtýynsha, bul úlken avıasııalyq habqa aınalady. Partııa tóraǵasy Azat Perýashev megapolıste iri nysandar salýdyń mańyzyn atap ótti.
Úgit-nasıhat toby ońtústik óńirge sapary barysynda Arys qalasyndaǵy SGM-group kompanııasynyń temir jol deposynda boldy. Mekemede 200 adam jumys isteıdi, qyzmetkerlerdiń basym kópshiligi – jastar. Kezdesýde «Aq jol» demokratııalyq partııasynyń ustanymdaryn talqylaýmen birge, jumysshylardy alańdatatyn problemalar jóninde de pikir almasty.
Partııa tóraǵasynyń orynbasary, Májilis depýtattyǵyna kandıdat Qazybek Isa da Arys qalasy turǵyndarynyń suraqtaryna jaýap berip, partııa ustanymyn jetkizdi.
«Aq jol» demokratııalyq partııasynyń respýblıkalyq shtab músheleri Túrkistan oblysyna saparynda «Kombınat Farab» zaýytynyń ujymymen kezdesti. Kezdesý barysynda partııa tóraǵasy Azat Perýashev «Biz ózi tabys tabatyn, bıýdjetke salyq tóleıtin jáne jumyspen qamtıtyn kásipkerlerdi qoldaýymyz kerek», dep atap ótti. Ol «Aq jol» partııasynyń saılaýaldy baǵdarlamasynda da kásipkerlikti qoldaýǵa basa nazar aýdarylǵanyn baıandady.
«Pandemııa kezinde kásiporyndarda jumys istegen myńdaǵan adam jalaqysyz qaldy. Biz mundaı jaǵdaıǵa jetkizbes úshin kásipkerlerge qoldaý kórsetýimiz qajet. Kásiporyn kóp bolsa, jumys orny kóp bolady. Jumys kóp bolsa, árbir otbasynyń kún kórisi jaqsarady. Bizdiń baǵdarlama kásipkerlikti jáne qatardaǵy qazaqstandyqtardyń múddelerin qorǵaýdy maqsat etedi», dedi A.Perýashev.
Sondaı-aq zaýyt jumysshylaryna partııanyń saılaýaldy baǵdarlamasynyń basqa da baǵyttary túsindirildi. Túrkistandyq saılaýshylardyń máselelerin muqııat tyńdaǵan kandıdattar nazarǵa alýǵa sóz berdi.
