Sonymen Máskeý bırjasynyń KASE kapıtalyndaǵy úlesi 13,1% deıin ósti.
43,89% úlesi bar negizgi aksıoner Qazaqstan Respýblıkasynyń Ulttyq Banki Strategııalyq yntymaqtastyq týraly kelisim sheńberindegi mámileniń ekinshi kezeńi sheńberinde 2020 jyldyń 28 jeltoqsanynda Qazaqstan qor bırjasynyń (KASE) 108 myń 504 aksııasy Máskeý bırjasy (MOEX) JAQ-qa satyldy. Birinshi kezeńde 2019 jyldyń qańtarynda KASE Máskeý bırjasyna 32 360 aksııany satty.
Mámileniń birinshi kezeńinen keıin MOEX-tiń KASE jarǵylyq kapıtalyndaǵy úlesi ornalastyrylǵan aksııalardyń 3,32% qurady, ekinshi kezeńniń qorytyndysy boıynsha - 13.10%.
2018 jyldyń 10 qazanynda KASE men MOEX arasynda strategııalyq yntymaqtastyq týraly kelisimge qol qoıyldy. .
«Kelisimde kórsetilgen bırjalar arasyndaǵy yntymaqtastyqtyń negizgi mindetteri - qazaqstandyq jáne reseılik saýda-sattyqqa qatysýshylar men ınvestorlarǵa eki eldiń naryqtaryna ózara qol jetimdilikti qamtamasyz etý, ortalyq kontragent ınstıtýtyn damytý arqyly ınfraqurylymnyń senimdiligin arttyrý jáne naryqtyq táýekelderdi azaıtý; KASE naryqtarynyń ótimdiligin arttyrý, klırıng, táýekelderdi basqarý jáne jańa bırjalyq quraldardy qurý maqsatynda MOEX tájirıbesi men saýda jáne klırıng tehnologııalaryn qoldaný. Kelisim sonymen qatar KASE naryqtaryna MOEX saýda-klırıngtik júıelerin engizýdi jáne Máskeý bırjasynyń KASE jarǵylyq kapıtalyndaǵy úlesin satyp alýyn qarastyrady», delingen bırjada.
Kelisim aıasynda KASE-de qor, aqsha jáne valıýta naryqtarynda ASTS+ jańa saýda-klırıngtik júıeler engizildi. Qazirgi ýaqytta ASTS+ úsh bırjalyq naryqtardan 1000-nan astam qarjy quraldarymen aınalysady. Qor naryǵyna jańa júıeniń engizilýimen KASE osy naryqta ortalyq kontragenttik (CCP) qyzmetterdi usyna bastady.
2020 jylǵy 28 jeltoqsandaǵy jaǵdaı boıynsha 43,89% úlesi bar KASE negizgi aksıoneri - Qazaqstan Ulttyq Banki.
Sondaı-aq, KASE TMD bırjalary arasynda baǵaly qaǵazdarmen saýda-sattyq kólemi boıynsha ekinshi, FEAS bırjalarynyń aksııalar naryǵyn kapıtaldandyrý boıynsha altynshy orynda ekendigi kórsetilgen. KASE Halyqaralyq bırjalar federasııasynyń (WFE), Eýro-Azııa qor bırjalary federasııasynyń (FEAS) jáne basqa da halyqaralyq jáne otandyq kásibı qaýymdastyqtardyń múshesi, sondaı-aq BUU-nyń turaqty damý jónindegi qor bırjalarynyń múshesi bolyp tabylady.
