ELBASYNYŃ SYILYǴY – ELIMIZDIŃ MEREII

Jýyrda ıadrolyq qaýipsizdik jónindegi jahandyq sammıtte Elbasyna Beıbitshilik jáne aldyn alý dıplomatııasy syılyǵy tabys etildi. Bul jańalyqty men erekshe kóńilmen, maqtanyshpen qabyl aldym. “Shyǵys-Batys” ınstıtýtynyń Beıbitshilik jáne aldyn alý dıplomatııasy syılyǵy AQSh-tyń eń bedeldi nagradalarynyń biri jáne ol memlekettik basqarý, qaýip­siz álem qurý salasyndaǵy erek­she jetistikteri úshin ártúrli el­derdiń saıası jáne memleket qaı­rat­kerlerine beriledi. Elbasy osy­laısha halyqaralyq arenadaǵy Qa­zaqstan bedelin asqaqtatyp, eli­miz­diń jasampaz mıssııasyn halyqara­lyq qaýymdastyq aldynda tanytty. Amerıka tórinde tapsyrylǵan bul syılyq – Qazaqstan aby­roıyn  jańa bıiktikke kótergen ma­rapat dep esepteımiz. Bul syılyq – Elimizdiń Tuń­ǵysh Prezıdenti N.Á.Nazarbaevtyń Qazaqstannyń táýelsizdik alǵannan beri kóp qyrly beıbitsúıgish syrtqy saıasatynyń jemisi. 1991 jyldyń 29 tamyzynda Memleket basshysy Nursultan Nazarbaev erekshe batyldyqpen sheshim qa­byl­daı otyryp, Semeı polıgonyn japty. 1993 jyly Qazaqstan TMD-da alǵashqylardyń biri bolyp Iаdrolyq qarýlardy taratpaý jónin­degi kelisim-shartqa qosyldy. Qazaqstan ıadrolyq qarýdan óz erkimen bas tartqan álemdegi birinshi el bolyp tabylady. Dúnıede beıbit ómirden, mamy­ra­jaı tynyshtyqtan, sol tynysh­tyq ortasyndaǵy gúldengen álem­nen, sol álemniń ortasyndaǵy ata-ana qushaǵyndaǵy sábıdiń tátti kúlkisinen artyq ne bar? Osynyń bári elimizdegi tynyshtyq pen el basshylyǵynyń durys saıasat júrgizýiniń jemisi ekendigi anyq. AQSh pen Eýropa Odaǵy basshy­larynyń Elbasyna degen qurmeti – Qazaqstan mereıi. Álemniń Qazaqstan bedelin moıyndap, Memleket basshysyna osylaısha aıryqsha qurmet pen senim bildirýi  Qazaqstannyń ári qaraı damýyna kóp úles qosady. Barlyq jerlesterimniń atynan Elbasyna alǵys bildire otyra, zor densaýlyq, bereke-birlik tileımin. Jasulan QUDABAEV,  UOS ardageri. Soltústik Qazaqstan oblysy.