Biryńǵaı aqparattyq júıe tutynýshylar quqyǵyn qorǵaıdy

2021 jyldyń 1 qańtarynan bastap turǵyndar tutyný­shy­lar­­dyń quqyqtaryn qor­ǵaýǵa ar­­nalǵan biryńǵaı aq­parattyq júıeniń qyzmetine júgine alady. Qazir bul synaq rejiminde jumys istep tur. Demek, ár turǵyn uıaly tele­fon nemese kompıýter ar­qyly Weask.kz saıtynda ózi­niń ótinishin jiberedi. Alser, Lamoda, «Magným» jáne «Anvar» saýda núkteleri joba­nyń synaq re­jimine qatysýǵa keli­sim berip, júıege tirkeldi.

«Quzyrly organǵa habarlas­pas buryn tutynýshy aldy­men máseleni satýshymen sheship alýy kerek. Eger de satýshy 10 kún ishin­de shaǵymǵa jaýap bermese, azamattar Tutynýshylardyń qu­qyq­taryn qorǵaý komıtetine jú­gine alady», delingen taratyl­ǵan aqparatta.

Biryńǵaı júıe – tutyný­shy­larǵa, qyzmet kórsetýshilerge, úkimettik emes uıymdar men mem­lekettik organdarǵa arnal­ǵan alań. Bul ótinish berý jáne olardyń qaralýyn baqylaýǵa arnalǵan biryńǵaı terezeniń balama túri. Atalǵan tetik tu­tynýshylardyń quqyqtaryn qorǵaý salasyndaǵy ózekti má­selelerdi barynsha qamtyp, jyldam sheshýge septesedi, son­daı-aq memlekettik organ­dardyń bıznespen baılanys ornatý prosedýrasyn jeńil­detedi.

Osy rette kez kelgen saýda nysanyna biregeı sáıkes­tendirgish berilip, ol QR-kod túrinde kór­nek­ti jerde ornalys­tyrylady.

«Mysaly, dúkenniń kire­berisinde nemese taýar satyla­tyn jerde ornalastyrylýy múm­kin. Eger satyp alýshy onyń qu­qyqtary buzyldy dep sanasa, QR-kodty skanerleý arqyly júıege enip, tıisti jerge shaǵym jiberýge múmkindik alady», dedi komıtet ókilderi.

Memlekettik organǵa ótinish túsken jaǵdaıda, sıfrly júıe avtomatty túrde qaı organ bul shaǵymdy qaraýy kerektigin anyqtaıdy. Tutynýshyǵa meken- jaı ıesi, shaǵymdy zertteıtin adam, sodan keıin baryp sha­ǵym nátıjeleri kórsetiledi. Satý­shy da túsken shaǵym týraly habardar bolady. Birinshi kezeńde janjaldy syrtqy tarap­tardyń qatysýynsyz sheshýge múmkindik berilip, bul kásip­kerler men tutynýshylar úshin de áldeqaıda tıimdi bol­maq.

Joba avtorlary munyń kásip­kerlerge taýarlardyń jáne tu­tynýshylarǵa qyzmet kór­setý­diń sapasyn jaqsartýǵa sep­­­tigin tıgizetinine senimdi. Al memlekettik organdar úshin mun­­­daı shaǵymdardy jınaý men óńdeýdiń biryńǵaı júıe­si tutynýshylardyń barlyq óti­nish­terin keń aýqymda tal­daýǵa yqpal etedi. Tıisinshe tu­tynýshylardyń quqyqtaryn qorǵaý júıesi jańǵyrtylyp, azamattar quqyqtyq saýat­ty­lyqty arttyrýǵa múmkindik alady.