Saýapty joba – elimizdegi balalar aýrýhanalary men perınataldyq ortalyqtaryna zamanaýı reanımasııalyq jabdyqtardy satyp alýǵa qarajat jınaýdy kózdeıdi.
«Bıylǵy jyl búkil álemdegi qaıyrymdylyq qorlardy qosa alǵanda, barlyǵymyz úshin aıtarlyqtaı kúrdeli boldy. Barlyq elder men uıymdardyń kúsh-jigeri koronavırýs pandemııasyna jáne onyń saldaryna qarsy kúreske baǵyttaldy. Qazaqstanda 14 jyl boıy bala ólimi men múgedektigin azaıtý maqsatynda jumys istep kele jatqan Qor retinde biz muny tolyq sezindik. Koronavırýstyń taralýymen kúresý qajet. Biraq balalar kún saıyn shuǵyl reanımasııalyq kómekke muqtaj. Sondyqtan biz «Qamqorlyq kúshi» áleýmettik naýqanyn bastadyq. Maqsatymyz – otandastarymyzdyń ortaq kúshin Qazaqstandaǵy balalar ómirin qutqarýǵa baǵyttaý. Eger aýrýhana reanımasııalarynda eń zamanaýı qural-jabdyqtar – jańa týǵan nárestelerdiń qarqyndy terapııasyna arnalǵan ınkýbatorlar, SIPAP jáne О́JJ apparattary, neonataldyq monıtorlar jáne basqa da ondaǵan medısınalyq apparattar tursa, ony júzege asyrýǵa bolady. Sondyqtan biz jeke qatysýy arqyly bizdiń qamqorlyq kúshimizdi, «О́mir syılaıyq» jobasyn qoldaǵany úshin Gennadıı Golovkınge óte rızamyz. Bul kóptegen otandastarymyzdy osy jobaǵa qarajat jınaýǵa qatysýǵa shabyttandyrady dep úmittenemiz», – deıdi AYALA qaıyrymdylyq qorynyń prezıdenti Aıdan Súleımenova.
«О́mir syılaıyq» jobasy 2007 jyldan beri qor tarapynan júzege asyrylyp keledi. Iri korporatıvtik demeýshilerdiń qoldaýymen jáne qazaqstandyqtardyń qaıyrmaldyqtaryna Qazaqstannyń 36 qalasynyń 67 balalar aýrýhanasy men perınataldyq ortalyqtarynda zamanaýı reanımasııalyq jabdyqtar ornatyldy.
Ol qazirdiń ózinde júktiliktiń erte merziminde týǵan, sondaı-aq bosanýda ártúrli asqynýlarmen jáne týa bitken densaýlyq problemalarymen týǵan 100 myńnan astam náresteniń ómirin qutqarýǵa kómektesti.
Osy jobany júzege asyrý barysynda 500 mln teńgeden astam qarjyny kómek kórsetýge qushtar qazaqstandyqtar men iri demeýshiler AYALA qoryna aýdarǵan. Bul 96 fototerapııa apparatyn, 11 ókpeni jasandy jeldetý apparatyn, jańa týǵan nárestelerge arnalǵan 7 ınkýbator, 18 reanımasııalyq ústelder, 140 ınfýzııalyq jáne shprıstik mólsherlegishter, 7 SIPAP apparatyn, 43 medısınalyq sorǵysh apparatyn, 25 kereýet aldyndaǵy monıtorlardy, 2 narkoz apparatyn, defıbrıllıatordy jáne nárestelerdiń ómirin qutqaryp qalýǵa mańyzdy júzdegen basqa medısınalyq qurylǵylardy satyp alýǵa jáne ornatýǵa múmkindik berdi.
2020 jyly «О́mir syılaıyq» jobasy aıasynda qor «Shevron» kompanııasynyń demeýshilik qoldaýymen Almatynyń Balalar juqpaly aýrýlar aýrýhanasynyń reanımasııa bóliminde 2 О́JJ apparatyn ornatty. Gasenergy AJQS jelisinde, Qaganat qoǵamdyq tamaqtaný jelisinde, Mamma Mia jáne Ciao Pizza meıramhanalarynda ornatylǵan bokstar arqyly jınalǵan qarajatqa, Kassa24 termınaldary arqyly aýdarymdarǵa, jeke demeýshilerdiń qaıyrmaldyqtaryna Aqtóbe medısınalyq ortalyǵyna jańa týǵan nárestelerdiń qarqyndy terapııasyna arnalǵan ınkýbator jáne bir fototerapııa shamy berildi. Almatynyń Perınatologııa jáne balalar kardıohırýrgııasy ortalyǵyna 3 fototerapııa shamy men elektrensefalografııa monıtory jetkizildi. Almaty qalalyq perınataldyq ortalyǵyna qor eki fototerapııa shamyn tapsyrdy.
Alaıda medısınalyq jabdyq isten shyǵyp, 5-7 jyldan keıin aýystyrýdy qajet etedi. Sondyqtan AYALA qory medısınalyq mekemelerde bólingen bıýdjet qarajaty jetispeıtin jańa reanımasııalyq qural-jabdyqtardy satyp alý úshin únemi qaıyrmaldyqtar jınap, demeýshiler izdestirýde.
«Qamqorlyq kúshi» áleýmettik naýqany arqyly jınalǵan barlyq qarajat «О́mir syılaıyq» jobasyn iske asyrýǵa baǵyttalatyn bolady, óıtkeni qordyń ákimshilik shyǵystary, aqparattyq jáne jarnamalyq naýqanǵa jumsalatyn shyǵystardy qosa alǵanda, qor quryltaıshylarynyń esebinen tolyq qamtamasyz etiledi.
ALMATY
