Atap aıtqanda, pandemııa jaǵdaıynda halyqqa kórsetiletin qoldaý sharalary, bilim berý jáne densaýlyq saqtaý júıelerin damytý, kólik ınfraqurylymy jáne energetıka salasyndaǵy jobalardy iske asyrý, qalanyń bas jospary men biryńǵaı dızaın-kodyn ázirleý jáne bekitý, qoǵamdyq quqyqtyq tártipti kúsheıtý jáne t. b. máseleler.
Almaty qalasy Qoǵamdyq keńesiniń tóraǵasy Rahman Alshanov COVID-19 koronavırýsynan týyndaǵan álemdik pandemııaǵa jáne is-sharalardy ótkizýde engizilgen sanıtarlyq-epıdemııalyq talaptarǵa oraı Almaty qalasy Qoǵamdyq keńesiniń jergilikti jerlerde bolyp, qoǵamdyq monıtorıng júrgizgenin jáne onlaın-konferensııa formatyna kóshkenin aıtty. Keńes otyrystynda COVID-19-ǵa qatysty jaǵdaı, medısınalyq mekemelerdiń jumysy, azyq-túlik baǵalaryna monıtorıng, áleýmettik mańyzy bar baǵyttar jáne qalalyq avtobýstardyń qyzmeti, karantın kezinde medısına qyzmetkerlerin qarjylyq qoldaý jáne t. b. máseleler talqylandy.
Qoǵamdyq keńestiń múshesi, «Transparensı Qazaqstan» QQ qamqorshylyq keńesiniń tóraǵasy Marat Shıbutov sáýlet jáne qurylys máselelerine toqtaldy, sonymen birge ákimdik belgilegen merzimde JEO-yn gazdandyrý týraly sheshimdi qoldaıtynyn aıtty.
«Birinshiden, ákimdik pandemııa, lokdaýn kezinde qalanyń tynys- tirshiligin joǵary deńgeıde júrgizdi. Sonyń arqasynda halyq dúrbeleńge túsken joq. Ekinshiden, sońǵy onjyldyq boıy kóterilip kele jatqan JEO-yn gazdandyrý máselesi sheshildi. Úshinshide, qalanyń strategııalyq jospary qabyldandy», - dedi Qazaqstan Respýblıkasy Ulttyq kooperatıvter jáne ekonomıkalyq qoǵamdastyqtarynyń basqa da nysandary Qaýymdastyǵy» ZTB prezıdenti Qazbek Shaıh.
Kezdesý barysynda «Qazaqstannyń daǵdarys ortalyqtarynyń odaǵy» ZTB basqarma tóraıymy Z. Baısaqova, saıasattanýshy, qoǵam qaıratkeri A. Sarym, Almaty qalalyq alqa Tóralqasynyń múshesi, advokat N. Jazylbekov, Qazaqstannyń «KazRENA» ǵylymı-bilim berý kompıýterlik jelisin paıdalanýshylar qaýymdastyǵynyń bas dırektory B. Japarov jáne t. b. sóz sóıledi.
Kóterilgen máseleler boıynsha qalalyq basqarmalardyń basshylary, aýdan ákimderi tyńdaldy.
Megapolıs ákimi Baqytjan Saǵyntaev ákimdiktiń ashyq jumys isteıtinin atap ótti. Ol qala turǵyndaryn josparlanǵan sheshimder men ózgerister týraly habardar etý qajettigin basa kórsetti.
«Memleket Basshysy Qasym-Jomart Toqaev «Halyq únine qulaq asatyn memleket» tujyrymdamasyn aıqyndap berdi. Bizdiń basty mindetimiz- almatylyqtardyń barlyq suranystaryna jedel ári tıimdi jaýap berý. Qala turǵyndarynyń múddesi úshin áreket jasaýǵa tıispiz. Qala turǵyndarynyń ómir súrý sapasy men deńgeıin arttyrý, jaıly ınfraqurylymdy qalyptasmtyrý úshin birigip jumys jasaýymyz qajet. Qala turǵyndaryn eń ózekti máselelerdi talqylaýǵa keńinen qatystyrǵan jón", dep atap ótti B. Saǵyntaev. Ákimniń osy bastamasy boıynsha budan bylaı Qoǵamdyq keńes múshelerimen kezdesýler aı saıyn ótetin bolady.
